कराड तालुक्यातील भोळेवाडी गावाजवळ असलेल्या कुणबावा शिवारात रविवारी सकाळी ऊसतोड सुरू असताना मजुरांना बिबट्याची तीन पिल्ले दिसून आली. हौसेराव जोतिराम सूर्यवंशी यांच्या शेतात सकाळी अकराच्या सुमारास ऊसतोड सुरू होती. शेतात पिल्ले दिसताच मजुरांसह परिसरातील नागरिकांमध्ये घबराट पसरली.
पिल्ले सुरक्षितपणे कॅरेटमध्ये ठेवली
घबराटीच्या वातावरणातही नागरिकांनी प्रसंगावधान राखले. त्यांनी पिल्लांना सुरक्षितपणे कॅरेटमध्ये ठेवले आणि तातडीने वनविभागाला माहिती दिली. पिल्लांना कोणतीही इजा होऊ नये, याची काळजी घेण्यात आली.
वनविभागाचे पथक घटनास्थळी दाखल
माहिती मिळताच वनविभागाचे पथक तातडीने घटनास्थळी पोहोचले. वनरक्षक पूजा खंडागळे आणि वनसेवक अमोल महाडिक यांनी घटनास्थळी जाऊन परिस्थितीची पाहणी केली. पिल्लांची आई शोधण्यासाठी वनविभागाकडून शोध सुरू असल्याचे समजते.
Leave a Reply