सातारा शहराच्या सार्वजनिक वाहतुकीचा केंद्रबिंदू असलेल्या सातारा बसस्थानकाच्या जुन्या इमारतीवर बुलडोझरचा हातोडा पडू लागला आहे. जुनी इमारत जमीनदोस्त झाली असून त्या जागी आधुनिक आणि सुसज्ज बसस्थानक उभारण्याचा मार्ग मोकळा झाला आहे.
जीर्ण इमारतीऐवजी आधुनिक स्थानक
कालांतराने जीर्ण झालेली आणि प्रवाशांच्या वाढत्या संख्येच्या तुलनेत अपुरी पडणारी जुनी इमारत हटवण्यात येत आहे. नव्या बसस्थानकात प्रवाशांना आधुनिक सुविधा मिळतील, अशी अपेक्षा आहे. सातारा बसस्थानक पुणे-बंगळूर महामार्गावरील मध्यवर्ती बसस्थानक म्हणून ओळखले जाते.
राज्यभरातील बसेसची वर्दळ
या बसस्थानकावरून पुणे, मुंबई, सोलापूर, सांगली, कोल्हापूर, कोकण, बेळगाव आणि कर्नाटकसह राज्यभरात हजारो एसटी बसेस ये-जा करतात. त्यामुळे बसस्थानकावर प्रवाशांची नेहमीच वर्दळ असते. जुन्या इमारतीच्या पाडकामानंतर नव्या स्थानकाच्या उभारणीला गती मिळण्याची अपेक्षा आहे.
Leave a Reply