दुष्काळात शेतकऱ्यांना मदतीची ग्वाही, बळीराजा जयंती

यंदा राज्यभरात दुष्काळी परिस्थिती आहे आणि शेतकऱ्यांना पाहिजे तसे उत्पन्न मिळालेले नाही. अशा परिस्थितीत शेतकऱ्यांना सर्वोतोपरी मदत करण्यासाठी शासन कटिबद्ध असल्याची ग्वाही आमदार प्रा. चंद्रकांत सोनवणे यांनी दिली. जळगाव येथे चक्रवर्ती सम्राट बळीराजा जयंती दिनी आयोजित कार्यक्रमात ते बोलत होते. शेतकऱ्यांच्या अडचणी लक्षात घेऊन शासन त्यांच्या पाठीशी उभे राहील, असे त्यांनी स्पष्ट केले.

नशामुक्तीबाबत आवाहन

जिल्ह्यात नशामुक्तीबाबत पोलिस प्रशासन करीत असलेल्या कार्याचे कौतुकही आमदार सोनवणे यांनी केले. जनतेनेही नशामुक्तीसाठी जागृत राहण्याचे आवाहन त्यांनी केले. पोलिस अधीक्षक श्रीकांत धिवरे यांनी पोलिस प्रशासन शेतकऱ्यांच्या मदतीसाठी संवेदनशील असल्याचे सांगितले. आमदार सुरेश भोळे यांनीही यावेळी आपले मनोगत व्यक्त केले.

पौराणिक माहिती आणि उपस्थिती

ज्येष्ठ नाट्यकर्मी शंभू पाटील यांनी कार्यक्रमाबाबत चक्रवर्ती सम्राट बळीराजा व वामन यांच्याबद्दल सविस्तर पौराणिक माहिती दिली. यावेळी बळीराजा यांच्या प्रतिमेला मान्यवरांनी पुष्पहार अर्पण करून अभिवादन केले. जिजाऊ ब्रिगेडच्या लिना पवार, सुचिता पाटील, अ‍ॅड. ललिता चौधरी, मराठा सेवासंघाचे सुरेंद्र पाटील, सुरेश पाटील, राम पवार, सुमित पाटील, प्रमोद पाटील, खुशाल चव्हाण, हिरामण चव्हाण, चंद्रकांत देसले, सचिन पाटील, ग. स. सोसायटीचे संचालक उदय पाटील, साहेबराव पाटील आणि बहुजन जनक्रांतीचे मुकुंद सपकाळे आदी उपस्थित होते.