सध्या सोशल मीडियावर वेगवेगळ्या गाण्यांचा ट्रेंड पाहायला मिळत आहे. त्यातच उमेश कुमावत यांच्या नव्या ‘ट्रेंडिंग बेबी’ या गाण्याची विशेष चर्चा रंगली आहे. या गाण्याची चर्चा आता थेट महाराष्ट्राचे मुख्यमंत्री देवेंद्र फडणवीस यांच्यापर्यंत पोहोचली आहे. मुख्यमंत्र्यांनी हे गाणं ऐकलं असून, त्यातील एका खास ओळीवर त्यांनी दिलेली प्रतिक्रिया लक्षवेधी ठरली.
गाण्यातील ‘फुल थ्रॉटल, यू आर फास्ट बेबी, यू आर ट्रेंडिंग इन माय हार्ट बेबी’ या ओळीने मुख्यमंत्र्यांचं लक्ष वेधून घेतलं. या हटके आणि मजेशीर शब्दरचनेवर देवेंद्र फडणवीस हसले. गाण्यातील इंग्रजी शब्दांचा वापर आणि त्याचा अंदाज यामुळे हा प्रसंग खास ठरला. त्यामुळे या गाण्याची चर्चा आणखी रंगली आहे.
हिप-हॉप, रॅप आणि रोमँटिक गाण्याचा तडका
‘ट्रेंडिंग बेबी’ हे गाणं आजच्या तरुण पिढीची आवड लक्षात घेऊन तयार करण्यात आलं आहे. हिप-हॉप, रॅप आणि रोमँटिक संगीताचा अनोखा संगम या गाण्यात पाहायला मिळतो. वेगळ्या धाटणीचं संगीत, आकर्षक बीट्स आणि लक्षात राहतील असे शब्द हे या गाण्याचं वैशिष्ट्य आहे. पारंपरिक गाण्यांपेक्षा काहीतरी वेगळं ऐकू इच्छिणाऱ्या तरुणाईला आकर्षित करण्याचा प्रयत्न या गाण्यातून करण्यात आला आहे.
थर्टी फर्स्टच्या पार्टीत वाजणार ‘ट्रेंडिंग बेबी’?
नववर्षाच्या स्वागतासाठी थर्टी फर्स्टच्या पार्ट्यांची तयारी सुरू झाली आहे. अशा वेळी पार्टीचा मूड सेट करण्यासाठी एखादं धमाकेदार गाणं आवश्यक असतं. ‘ट्रेंडिंग बेबी’चा हिप-हॉप आणि रॅपचा अंदाज पाहता हे गाणं पार्टीसाठी नवा पर्याय ठरू शकतं. त्यातच मुख्यमंत्र्यांनीही गाणं ऐकून दिलेली खास प्रतिक्रिया यामुळे या गाण्याची चर्चा आता अधिक रंगणार आहे. हे गाणं युट्यूब, अ‍ॅपल म्युझिक, स्पॉटिफाय, अ‍ॅमेझॉन म्युझिक आणि गाना या विविध प्लॅटफॉर्मवर ऐकता येईल.
स्रोत: मूळ बातमी
Leave a Reply