अनेक जण दिवस-रात्र मेहनत करतात, तरी हातात पैसा टिकत नाही. कोणत्या ना कोणत्या कारणाने तो खर्च होतो. काहींनी कर्ज घेतलेलं असतं आणि ते लवकर फेडण्याची इच्छा असते, पण प्रयत्न करूनही कर्ज फिटत नाही; उलट वाढतच जातं. असं का होतं, याची वेगवेगळी कारणं असू शकतात. घरात वास्तुदोष निर्माण झाला की अशी स्थिती उद्भवू शकते, असं वास्तुशास्त्रात सांगितलं जातं. तिजोरी नेहमी पैशांनी भरलेली राहावी आणि असलेलं कर्ज लवकर फिटावं, यासाठी वास्तुशास्त्रात काही सोपे उपाय सांगण्यात आले आहेत. या उपायांमुळे घराला बरकत मिळते, अशी मान्यता आहे.
शुक्रवारचा उपाय
हिंदू धर्मशास्त्रात प्रत्येक वार कोणत्या ना कोणत्या देवतेला समर्पित मानला जातो. शुक्रवार देवी लक्ष्मीला समर्पित आहे. लक्ष्मीला धनाची देवता म्हटलं जातं. जिच्यावर लक्ष्मी प्रसन्न होते, त्या व्यक्तीला आयुष्यात धनाची कमतरता भासत नाही आणि ती व्यक्ती लवकर कर्जमुक्त होते, असं वास्तुशास्त्रात सांगण्यात आलं आहे. लक्ष्मीचा आशीर्वाद सदैव राहावा, यासाठी दर शुक्रवारी सकाळी स्नान करून घराजवळील लक्ष्मी मंदिरात जावं, मनोभावे पूजा करावी, लक्ष्मीला लाल फूल अर्पण करावं आणि यथाशक्ती प्रसाद द्यावा, असा उपाय सांगण्यात आला आहे. हा उपाय सलग १६ शुक्रवार केल्यास लक्ष्मीची कृपा होते, असं वास्तुशास्त्रात म्हटलं आहे.
शनिवारचा उपाय
एखाद्या व्यक्तीच्या नोकरीला किंवा व्यवसायाला वाईट नजर लागते, त्यामुळे आर्थिक प्राप्ती मंदावते, असंही मानलं जातं. असं होऊ नये, यासाठीही वास्तुशास्त्रात एक उपाय सांगण्यात आला आहे. दर शनिवारी सकाळी स्नानानंतर हनुमानांचं दर्शन घ्यावं आणि त्यांना रूईची फुलं तसंच तेल अर्पण करावं. या उपायामुळे घरातील सर्व दोष दूर होतात, असं वास्तुशास्त्रात सांगण्यात आलं आहे.
(अस्वीकरण: वरील माहिती उपलब्ध स्रोतावरून देण्यात आली आहे. यातील तथ्यांबाबत कोणताही दावा केला जात नाही, तसंच अंधश्रद्धेला दुजोरा दिला जात नाही.)
स्रोत: मूळ बातमी
Leave a Reply