राजस्थानमधील पंचायत समिती आणि जिल्हा परिषद निवडणुकांचे निकाल जाहीर झाले असून भरतपूरमध्ये काँग्रेसने मोठे यश मिळवले आहे. मुख्यमंत्री भजनलाल शर्मा यांच्या जिल्ह्यातच भाजपला पराभवाचा सामना करावा लागला आहे. भरतपूर जिल्हा परिषदेच्या ३१ पैकी तब्बल २१ जागांवर काँग्रेसने विजय मिळवत स्पष्ट बहुमताकडे वाटचाल केली आहे. तर भाजपला फक्त ९ जागांवर समाधान मानावे लागले आहे. एका जागेवर आरएलपीच्या उमेदवाराने बाजी मारली आहे.
जिल्हा परिषदेत कोणत्या पक्षाला किती जागा?
काँग्रेसच्या राजेश, अरविंद, चेतन, हरिसिंह, हरबीर सिंह, हीराचंद, सावित्री देवी, अशोक, सपना, प्रमोद, रानुवाला, सरोज, हरप्यारी, अंजू कुमारी, सुमन गुर्जर, रेखा कुमारी, ओमवती आणि बोदन सिंह यांच्यासह एकूण २१ उमेदवार विजयी झाले आहेत. दुसरीकडे भाजपच्या संगीता, राधा, सतीवीर, मिथिलेश, पूजा कुमारी, मीरा देवी, मानसिंह, दिनेश भातरा आणि रघुवीर सिंह यांनी विजय मिळवला. तर प्रभाग क्रमांक २६ मधून आरएलपीच्या रेणू कुमारी यांनी बाजी मारली.
मागील निवडणुकीशी तुलना
मागील जिल्हा परिषद निवडणुकीत भाजपने १७ जागा जिंकत सर्वात मोठा पक्ष होण्याचा मान मिळवला होता. काँग्रेसला १४ जागांवर विजय मिळाला होता. तर अपक्षांनी ४ आणि बसपाने २ जागा जिंकल्या होत्या. मात्र, यंदाच्या निवडणुकीत चित्र पूर्णपणे बदलले असून काँग्रेसने भाजपला मोठा धक्का दिला आहे. २१ जागांसह काँग्रेस आता जिल्हा परिषदेत स्पष्ट बहुमताकडे वाटचाल करत आहे.
Leave a Reply