सातारा शहरात पोलिस अधिकारी असल्याची बतावणी करून एका महिलेची सुमारे ८ लाख ६० हजार रुपयांची फसवणूक झाल्याची घटना समोर आली आहे. बँक खात्यातील पैशांची पडताळणी करण्याच्या बहाण्याने सायबर भामट्याने क्षेत्र माहुली येथील महिलेला गंडा घातला. व्हिडीओ कॉलद्वारे विश्वास संपादन करत आरटीजीएसद्वारे महिलेच्या खात्यातील रक्कम स्वतःच्या खात्यावर वळवण्यात आली.
दोन क्रमांकांवरून फोन, व्हिडीओ कॉलवर विश्वास
विद्या रामजी पवार (वय ५२) यांनी सातारा शहर पोलीस ठाण्यात तक्रार दिली आहे. पोलिसांकडून मिळालेल्या माहितीनुसार, पवार यांना ३० सप्टेंबर ते १६ नोव्हेंबर या कालावधीत दोन विविध मोबाईल क्रमांकांवरून फोन आले. पहिल्या फोनवर संबंधिताने स्वतःला पोलीस हवालदार असल्याचे सांगितले. त्यानंतर दुसऱ्या क्रमांकावरून व्हिडीओ कॉल करण्यात आला.
Leave a Reply