पुण्यात यंदाच्या हंगामातील सर्वात कमी तापमानाची नोंद झाली आहे. शहरात थंडीचा जोर वाढला असून सकाळी आणि रात्री गारठा जाणवत आहे. दिवसभर उन्हाची तीव्रता तुलनेने कमी असल्याने दुपारचे वातावरण मात्र आल्हाददायक राहत आहे. शनिवारी शहरात कमाल तापमान ३१ अंश सेल्सिअस नोंदवले गेले.
पुण्यात थंडीचा जोर
शिवाजीनगर वेधशाळेत किमान तापमान ११.२ अंश सेल्सिअस नोंदवले गेले, जे सरासरीपेक्षा ३.८ अंशांनी कमी आहे. शहराच्या बाहेरील भागात पारा आणखी खाली गेला असून राष्ट्रीय संरक्षण प्रबोधिनी परिसरात ९.४ अंश, तर माळीण येथे ८.९ अंश सेल्सिअस तापमानाची नोंद झाली. पुणेकरांनी हंगामातील पहिल्यांदाच एक अंकी तापमान अनुभवले.
राज्यभरात पारा घसरला
थंडीची लाट केवळ पुण्यापुरती मर्यादित नाही. जळगावमध्ये सलग दुसऱ्या दिवशी राज्यातील सर्वात कमी, ८ अंश सेल्सिअस तापमान नोंदवले गेले. नाशिकमध्ये १० अंश, तर मुंबईतील सांताक्रूझ वेधशाळेत १६.२ अंश सेल्सिअस तापमानाची नोंद झाली. पुढील दोन दिवस पुण्यात किमान तापमान १२ अंशांच्या आसपास राहण्याची शक्यता हवामान विभागाने वर्तवली आहे.
Leave a Reply