नोकरीतून निवृत्त झाल्यानंतर दर महिन्याला नियमित उत्पन्न मिळावे, अशी प्रत्येक कर्मचाऱ्याची इच्छा असते. मात्र, निवृत्तीनंतर भविष्य निर्वाह निधीची संपूर्ण रक्कम एकाच वेळी काढल्यानंतर पुढील काळात पैशांचे नियोजन करणे कठीण होऊ शकते. या पार्श्वभूमीवर कर्मचारी भविष्य निर्वाह निधी संघटनेने (ईपीएफओ) एक महत्त्वाचा निर्णय घेतला आहे.
एसडब्ल्यूपी योजना म्हणजे काय?
ईपीएफओच्या सिस्टिमॅटिक विड्रॉल प्लॅनला (एसडब्ल्यूपी) मंजुरी देण्यात आली आहे. या सुविधेमुळे निवृत्त कर्मचाऱ्यांना त्यांच्या भविष्य निर्वाह निधीत जमा असलेली एकूण रक्कम टप्प्याटप्प्याने काढता येणार आहे. म्हणजेच संपूर्ण रक्कम एकाच वेळी काढण्याऐवजी ती ठराविक कालावधीत विभागून काढता येईल.
दरमहा, तिमाही किंवा सहामाही रक्कम
या योजनेतून निवृत्त कर्मचारी दर महिन्याला, तिमाही किंवा सहामाही पद्धतीने आपले पैसे काढू शकणार आहेत. त्यामुळे निवृत्तीनंतरही नियमित उत्पन्न मिळत राहील आणि पैशांचे नियोजन करणे सोपे होईल. निवृत्त कर्मचाऱ्यांसाठी हा निर्णय मोठा दिलासा मानला जात आहे.
Leave a Reply