उत्तर प्रदेश विधानसभा निवडणुकीदरम्यान मोठ्या राजकीय घडामोडी घडत आहेत. सर्व राजकीय पक्षांनी या निवडणुकीसाठी जोरदार तयारी सुरू केली आहे. समाजवादी पार्टी आणि काँग्रेसने जागावाटपाच्या चर्चेला सुरुवात केली आहे. तर दुसरीकडे भाजपनेही या निवडणुकीसाठी कंबर कसली आहे. मथुरेतील विचारमंथन सत्रानंतर भाजप आपल्या वरिष्ठ मंत्र्यांना प्रचारासाठी उतरवत आहे. मात्र समाजवादी पार्टी आणि काँग्रेस यांच्यातील जागावाटपाचा तिढा अद्याप सुटलेला नाही. अशातच समाजवादी पार्टीचे प्रमुख अखिलेश यादव यांनी काँग्रेससमोर एक मोठी अट ठेवली आहे.
१८ नोव्हेंबरची बैठक रद्द; २२ पासून चर्चा
काँग्रेस आणि समाजवादी पार्टी यांच्यामध्ये जागावाटपासंदर्भात १८ नोव्हेंबर रोजी बैठक होणार होती, पण ही बैठक रद्द झाली. आता दोन्ही पक्षांमध्ये २२ नोव्हेंबरपासून चर्चा सुरू होण्याची शक्यता आहे. काँग्रेसने यासाठी सहा सदस्यीय समिती स्थापन केली होती. आता समाजवादी पार्टीने पक्षाचे राष्ट्रीय सरचिटणीस रामगोपाल यादव यांच्या नेतृत्वाखाली पाच सदस्यीय टीम तयार केली आहे. या टीममध्ये दोन डेटा तज्ज्ञांचा समावेश करण्यात आला आहे. अखिलेश यादव यांनी काँग्रेससोबत जागावाटपावर अशा अटी ठेवल्या आहेत की, त्यामुळे भाजपसाठीही तणाव निर्माण होऊ शकतो.
२०१७ च्या पराभवातून धडा
समाजवादी पक्ष आणि काँग्रेसने यापूर्वी उत्तर प्रदेशच्या निवडणुका एकत्र लढवल्या आहेत. २०१७ मध्ये दोन्ही पक्ष एकत्र आल्यानंतर त्यांचा उत्तर प्रदेशात मोठा पराभव झाला होता. अखिलेश यादव यांनी तेव्हाच्या पराभवातून आता सावध भूमिका घेतली आहे. त्यांनी जागावाटप विजयी उमेदवारांच्या आधारावर होईल, अशी अट घातली आहे. अखिलेश यादव यांनी सांगितले की, ज्या पक्षाचे सर्वाधिक उमेदवार विजयी होतील त्या पक्षाला जागा मिळेल. यामुळे जागावाटपात काँग्रेसचा वाटा कमी होऊ शकतो. दहा वर्षांच्या कार्यकाळानंतर भाजपला सत्ताविरोधी लाटेचाही सामना करावा लागत आहे. अशा परिस्थितीत जर काँग्रेसने कमकुवत उमेदवार उभे केले असते तर भाजपचा मार्ग सोपा झाला असता. मात्र आता बहुतांश जागांवर भाजपची समाजवादी पक्षाविरुद्धच लढत होण्याची अधिक शक्यता आहे. २०१७ च्या पराभवानंतर यावेळी कोणतीही चूक होता कामा नये यासाठी अखिलेश यादव यांचे प्रयत्न सुरू आहेत. गोरखपूरमधील पीडीएच्या त्यांच्या सभेला प्रचंड गर्दी झाली होती. समाजवादी पार्टीला जागावाटपाच्या वाटाघाटींमध्ये आपले वरिष्ठ स्थान कायम ठेवायचे आहे. पण जागावाटप समान व्हावे, असे काँग्रेस पक्षाचे मत आहे. दोन्ही पक्षांमध्ये २२ तारखेला होणाऱ्या बैठकीनंतरच त्यांच्यातील जागावाटपाचा तिढा सुटेल.
Leave a Reply