सरस्वती बँकेच्या सभासदांना १५ टक्के लाभांश खात्यात वर्ग

ओझर येथील सरस्वती बँकेने आपल्या सभासदांना १५ टक्के लाभांश देण्याची घोषणा केली होती. बुधवारपासून बँकेकडून ४१ लाख १३ हजार ३०० रुपयांचे वाटप करत रक्कम सभासदांच्या बँक खात्यात वर्ग करण्याचा शुभारंभ करण्यात आला. ही माहिती संस्थापक अध्यक्ष बाळासाहेब बोरस्ते यांनी दिली.

नफा आणि आर्थिक स्थिती

सरस्वती बँकेला ३१ मार्च २०२६ या आर्थिक वर्षाअखेर ८० लाख ४७ हजार दोनशे सत्तर रुपये निव्वळ नफा झाला होता. इतर तरतूदी वजा करता बँकेने सभासदांना १५ टक्के लाभांश देण्याची घोषणा केली होती. बँकेचे ४६९७ सभासद असून वसूल भागभांडवल २ कोटी ९८ लाख ४० हजार रुपये आहे. राखीव व इतर निधी ८ कोटी ८२ लाख ८४ हजार रुपये असून एकूण ५८ कोटी ३१ लाख २२ हजार रुपयांच्या ठेवी आहेत. अहवाल काळात सभासदांना ३६ कोटी ६६ लाख ९१ हजार रुपयांचे कर्जवाटप करण्यात आले, तर बँकेने २७ कोटी रुपयांची गुंतवणूक केली आहे.

भक्कम आर्थिक पाया

बँकेचे खेळते भागभांडवल ७३ कोटी २९ लाख ६५ हजार रुपये असून सीआरएआरचे प्रमाण २२.६९ टक्के आणि सीडी रेशो ६२.८८ टक्के आहे. एनपीए ०.३४ टक्के राखण्यात बँकेला यश आले आहे, असेही बोरस्ते यांनी सांगितले. यावेळी उपाध्यक्ष संजय निफाडे, आदित्य बोरस्ते, किशोर मोरे, प्रभाकर कुयटे, संजय मोरे, चेतन बोरस्ते, मोहन पाटील, कुसुम ताकाटे, शोभा शिंदे यांच्यासह मुख्य कार्यकारी अधिकारी भाऊसाहेब ढोमसे आणि व्यवस्थापक प्रदीप बोरस्ते आदी उपस्थित होते.

स्रोत: मूळ बातमी