राष्ट्रीय महामार्गांवरून प्रवास करणाऱ्या नागरिकांसाठी आनंदाची बातमी आहे. टोल नाक्यांवरील सार्वजनिक स्वच्छतागृहे आणि पार्किंगच्या जागा अधिक स्वच्छ, सुरक्षित आणि सुविधायुक्त करण्यासाठी NHAI ने नवीन मार्गदर्शक सूचना जारी केल्या आहेत. यामुळे प्रवाशांचा प्रवास अधिक आरामदायी होणार आहे.
स्वच्छतागृहांची तपासणी आणि दुरुस्ती
मार्गदर्शक सूचनांनुसार, टोल नाक्यांवरील सध्याच्या स्वच्छतागृहांची तपासणी केली जाणार असून आवश्यक ठिकाणी दुरुस्ती केली जाणार आहे. आवश्यक ठिकाणी सीसीटीव्ही कॅमेरे आणि सॅनिटरी नॅपकिन उपलब्ध करून देणाऱ्या यंत्रणा उभारल्या जाणार आहेत. दिव्यांग प्रवाशांसाठी विशेष सुविधांचाही समावेश आहे.
पार्किंग आणि ईव्ही चार्जिंग सुविधा
टोल नाक्यांवर स्वच्छतागृहांसोबतच पार्किंगच्या जागाही सुधारल्या जाणार आहेत. ईव्ही चार्जिंग सुविधा उपलब्ध करून देण्याचाही निर्णय घेण्यात आला आहे. राष्ट्रीय महामार्गावरून प्रवास करणाऱ्या नागरिकांचा प्रवास अधिक आरामदायी आणि सुरक्षित व्हावा, यासाठी NHAI ने हे महत्त्वाचे पाऊल उचलले आहे.
Leave a Reply