बुधवार, १८ नोव्हेंबर २०२६ ▶
वेगवान महाराष्ट्र महाराष्ट्राच्या ताज्या बातम्या

जनगणनेत शिक्षकांवरील भार कमी करण्याची मागणी

जनगणनेच्या दुसऱ्या टप्प्यात प्रत्येक प्रगणकाला २०० कुटुंब किंवा ८०० व्यक्तींपेक्षा जास्त काम देऊ नये, अशी मागणी मावळ प्राथमिक शिक्षक संघाने तहसीलदारांकडे केली.

जनगणनेत शिक्षकांवरील भार कमी करण्याची मागणी

मावळ तालुका प्राथमिक शिक्षक संघाच्या पदाधिकाऱ्यांनी नायब तहसीलदारांची भेट घेऊन जनगणनेच्या कामात शिक्षकांना येणाऱ्या अडचणींबाबत चर्चा केली व मागण्यांचे निवेदन दिले. वडगाव मावळ येथे ही भेट झाली.

प्रत्येक प्रगणकावरील काम मर्यादित करण्याची मागणी

जनगणनेच्या दुसऱ्या टप्प्यात प्रत्येक प्रगणकाला २०० कुटुंब किंवा ८०० व्यक्ती यापेक्षा जास्त कुटुंब व संख्या देण्यात येऊ नये, अशी शिक्षक संघाची प्रमुख मागणी आहे. पहिल्या टप्प्यात अनेक शिक्षकांना ५०० पेक्षा जास्त कुटुंबांची, तर काहींना ८०० ते हजार कुटुंबांची गणना करावी लागली. त्यामुळे शिक्षकांना शारीरिक व मानसिक त्रास झाला. कामाच्या अतिरिक्त बोजामुळे अनेक शिक्षक आजारी पडल्याचेही निदर्शनास आणून देण्यात आले.

पुणे जिल्हा प्राथमिक शिक्षक संघाचे अध्यक्ष नारायण कांबळे, सहसचिव दत्तात्रय भालेराव, तालुका सरचिटणीस तथा शिक्षक पतसंस्थेचे अध्यक्ष राकेश चांदोरकर, पतसंस्थेचे माजी अध्यक्ष सुमित नळे आदी पदाधिकाऱ्यांनी नायब तहसीलदार गणेश तळेकर यांची भेट घेऊन त्यांना निवेदन दिले.

प्रशासनाकडून सकारात्मक प्रतिसाद

नायब तहसीलदार तळेकर यांनी या मागणीला सकारात्मक प्रतिसाद देऊन वरिष्ठांपर्यंत ती पोहोचवण्याचे व मागणीबाबत सकारात्मक निर्णय घेण्याचे आश्वासन दिले. त्यामुळे प्रत्येक शिक्षकाकडील कुटुंब व व्यक्ती संख्या कमी करावी, अशी मागणी पदाधिकाऱ्यांनी केली आहे.

विशाल राजपूत

Similar Posts

View All

Leave a Reply

Your email address will not be published. Required fields are marked *

ही वेबसाइट AI सहाय्याने व्यवस्थापित केली जाते · This website is managed with AI assistance