बेल्हे (ता. जुन्नर) येथील समर्थ कॉलेज ऑफ इंजिनिअरिंग अँड मॅनेजमेंट या महाविद्यालयाच्या एमबीए विभागाला सावित्रीबाई फुले पुणे विद्यापीठाकडून पीएच.डी. संशोधन केंद्राची मान्यता मिळाली आहे. ही मान्यता मिळाल्याने व्यवस्थापन क्षेत्रातील संशोधनाला नवी दिशा मिळणार आहे.
मान्यतेसाठीच्या अटी पूर्ण
सावित्रीबाई फुले पुणे विद्यापीठाच्या निर्धारित निकषांनुसार आवश्यक असणाऱ्या संशोधन सुविधा, शैक्षणिक पायाभूत व्यवस्था आणि अनुभवी संशोधन मार्गदर्शकांची उपलब्धता यांची पूर्तता केल्यानंतर एमबीए विभागाला ही मान्यता मिळाली आहे. या संशोधन केंद्रासाठी विभागात तीन मान्यताप्राप्त संशोधन मार्गदर्शक कार्यरत आहेत. मानव संसाधन व्यवस्थापन व ऑपरेशन्स मॅनेजमेंट या विषयांसाठी डॉ. महेश भास्कर, ऑपरेशन्स मॅनेजमेंटसाठी डॉ. रुस्तुम दराडे आणि वित्तीय व्यवस्थापन या विषयासाठी डॉ. शशिकांत ताजणे यांचा समावेश आहे.
संशोधनाच्या नव्या संधी
मानव संसाधन व्यवस्थापन, वित्तीय व्यवस्थापन, ऑपरेशन्स मॅनेजमेंट तसेच उद्योग आणि व्यवसाय व्यवस्थापनाशी संबंधित आधुनिक संकल्पना, समस्या व आव्हाने यांचा संशोधनात्मक अभ्यास करण्यास या मान्यतेमुळे चालना मिळणार आहे. या मान्यतेबद्दल संस्थेचे अध्यक्ष वसंतराव शेळके, उपाध्यक्ष ज्ञानेश्वर शेळके, सचिव विवेक शेळके, विश्वस्त वल्लभ शेळके, माजी जिल्हा परिषद सदस्या स्नेहल शेळके, कॅम्पस डायरेक्टर प्रा. राजीव सावंत, प्राचार्य डॉ. नवनाथ नरवडे, प्रशासकीय अधिकारी प्रा. प्रदीप गाडेकर आणि एमबीए विभागप्रमुख डॉ. महेश भास्कर यांनी समाधान व्यक्त केले आहे.
Leave a Reply