वाढदिवसाला बॅनरबाजी आणि चंगळवाद करण्यापेक्षा समाजसेवेचे काम करण्याचा संकल्प ॲड. गीतेश आणि गौरव बनकर यांनी हाती घेतला आहे. पिंपळगाव बसवंत येथे त्यांच्या वाढदिवसानिमित्त दुष्काळग्रस्त शेतकऱ्यांना २५ हजार रुपयांचा धनादेश देण्यात आला. तानाजी बनकर यांचा समाजसेवेचा वारसा हे दोघे बंधू पुढे चालवत आहेत. वाढदिवसाच्या निमित्ताने त्यांनी सामाजिक बांधिलकी जपत ही मदत दिली आहे.
दिव्यांगांना साहित्य वाटप
वाढदिवसानिमित्त तानाजी बनकर सेवाभावी संस्थेतर्फे दिव्यांगांना साहित्य वितरण करण्यात आले. हा कार्यक्रम खासदार भास्कर भगरे यांच्या उपस्थितीत झाला. आमदार दिलीप बनकर, तानाजी बनकर, दिलीप मोरे आणि अशोक शाह हे प्रमुख पाहुणे म्हणून उपस्थित होते. खासदार भगरे म्हणाले की, बनकर बंधूंनी वाढदिवस सामाजिक उपक्रमांनी साजरा करण्याचा आदर्शवत पायंडा पाडला आहे. आमदार बनकर आणि भास्करराव बनकर यांनी या वेळी मार्गदर्शन केले. ॲड. गीतेश बनकर यांनी मनोगत व्यक्त केले.
दुष्काळग्रस्तांसाठी निधी
तानाजी बनकर यांनी दुष्काळग्रस्त शेतकऱ्यांना मदतीसाठी शासनाला २५ हजार रुपये निधी दिला. हा धनादेश आमदार दिलीप बनकर यांच्याकडे सुपूर्द करण्यात आला. पाराशरी पतसंस्थेच्या प्रांगणात झालेल्या या कार्यक्रमाला सुरेश खोडे, करसन ठक्कर, काशिनाथ विधाते, साहेबराव देशमाने, शंकरराव बनकर, नगरसेवक गणेश बनकर, महेश अहिरे, राजेंद्र खोडे, शंकर ठक्कर, उमेश जैन, संतोष निकम, गणेश कुशारे, महेश चांदवडकर आणि स्मित शाह यांच्यासह अनेक मान्यवर उपस्थित होते.
स्रोत: मूळ बातमी
Leave a Reply