भारत आणि न्यूझीलंडमधील वनडे मालिकेतील तिसरा सामना बुधवारी पार पडणार आहे. या सामन्यात भारताला मालिकेत विजयी आघाडी घेण्याची संधी आहे. सामन्याच्या पूर्वसंध्येला झालेल्या पत्रकार परिषदेत भारतीय संघाचे सहाय्यक प्रशिक्षक सितांशू कोटक यांनी केएल राहुलचे भरभरून कौतुक केले. राहुलने संघाला कधीही निराश केले नसल्याचे कोटक म्हणाले.
सितांशू कोटक काय म्हणाले?
केएल राहुलचा सर्वात मोठा फायदा म्हणजे तो कसोटी क्रिकेटमध्ये डावाची सुरुवात करू शकतो आणि वनडेमध्ये मधल्या फळीत फलंदाजी करू शकतो, असे कोटक यांनी सांगितले. गरज पडल्यास तो शेवटच्या पाच षटकांत वेगाने धावा करू शकतो. तिथेही त्याचा रेकॉर्ड खूप चांगला आहे. तो नेहमी संघाच्या गरजेनुसार खेळतो, असे कोटक म्हणाले.
मी संघासोबत जोडलो गेल्यापासून राहुलला फलंदाजीची संधी मिळाली आणि त्याने योगदान दिले नाही, असे फारसे सामने मला आठवत नाहीत, असे कोटक म्हणाले. त्याने काही अविश्वसनीय खेळ्या खेळल्या आहेत आणि तो कधीही दबावाखाली दिसत नाही, यावर कोटक यांनी विशेष भर दिला.
दुसऱ्या वनडेत राहुलची खेळी
दुसऱ्या वनडे सामन्यात केएल राहुल मधल्या फळीत खेळताना एक बाजू लावून धरली होती. न्यूझीलंडच्या १३४ धावांचा पाठलाग करताना भारतीय संघाची सुरुवात एकदम खराब झाली होती. शुभमन गिल, विराट कोहली आणि रोहित शर्मा स्वस्तात माघारी परतल्याने भारत दबावाच्या स्थितीत आला होता. अक्षर पटेलला वरती पाठवले, पण त्यालाही खेळपट्टीवर थांबता आले नाही. तो बाद झाल्यावर राहुल मैदानावर आला.
राहुलने श्रेयस अय्यरसोबत ३९ धावांची भागीदारी केली. पण श्रेयसही बाद झाला. त्यानंतर नमन धीरसोबत २२ धावांची भागीदारी झाली. मोठा फटका मारण्याच्या नादात नमनही बाद झाला. मात्र राहुल एकटा भिडत होता. दुसऱ्या बाजूने त्याला साथ मिळाली नाही. राहुलने संयमी खेळी करत ३८ चेंडूत २६ धावा जोडल्या. यात २ चौकार आणि २ षटकारांचा समावेश होता. पावसाने एन्ट्री केल्याने सामना रद्द झाला आणि डकवर्थ लुईसच्या नियमानुसार ४ धावांनी भारतीय संघाचा विजय झाला.
वनडे मालिकेनंतर भारत आणि न्यूझीलंडमध्ये कसोटी मालिका होणार आहे. या मालिकेत राहुल सलामीला खेळताना दिसेल. राहुल त्याच्या कारकिर्दीत सलामीपासून सातव्या क्रमांकापर्यंत खेळत आला आहे. तिसऱ्या सामन्यात राहुल वेळ आलीच तर मोठी खेळी करत सामना जिंकवणार का, हे पाहणे महत्त्वाचे ठरणार आहे.
स्रोत: मूळ बातमी
Leave a Reply