भारताचा कर्णधार शुबमन गिल याला वेलिंग्टन वनडेत कारकिर्दीतील पहिलाच गोल्डन डक पाहावा लागला. न्यूझीलंडविरुद्धच्या वेलिंग्टन वनडेत गिल डावाच्या पहिल्याच चेंडूवर बाद झाला. जेकब डफीने त्याची विकेट काढली. रोहित शर्मा याच्यासोबत मोठी सलामीची भागीदारी होण्याआधीच गिलचा डाव संपला.
गिलची वनडे कारकिर्दीतील आकडेवारी
शुबमन गिलने २०१९ साली कोलंबोमध्ये श्रीलंकेविरुद्ध वनडे पदार्पण केले होते. तेव्हापासून आतापर्यंत गिल एकूण ७२ सामने खेळला आहे. या ७१ डावांमध्ये आतापर्यंत तो दोन वेळा शून्यावर बाद झाला आहे. यातील एक शून्य आजच्या वेलिंग्टन सामन्यात झाला. क्रिकेटमध्ये डावाच्या पहिल्या चेंडूवर बाद होण्याला गोल्डन डक म्हटले जाते. वनडे कारकिर्दीत शुबमन गिल पहिल्यांदाच गोल्डन डक झाला आहे.
शुबमन गिलच्या रूपाने वेलिंग्टन वनडेत भारताचा पहिला विकेट गेला. रोहित शर्मा याच्यासोबत त्याने फक्त चार धावांची सलामीची भागीदारी केली. गिलने ऑकलंडच्या पहिल्या वनडेत ३७ धावा केल्या होत्या.
गिलने त्याच्या वनडे कारकिर्दीत ७२ सामन्यांत ६३.५५ च्या सरासरीने आतापर्यंत ३७५० धावा केल्या आहेत. यात ११ शतके आणि २० अर्धशतके आहेत. वनडे कारकिर्दीत शुबमन गिलची सर्वाधिक धावसंख्या नाबाद २२३ धावा आहे.
स्रोत: मूळ बातमी
Leave a Reply