म्हसदी येथील श्री. धंगाई विधायक कार्य मंडळाच्या विखरण, ता. नंदुरबार येथील श्री. आप्पासाहेब आत्माराम धवळू देवरे माध्यमिक विद्यालयात दीपावली सणाच्या उत्सवानिमित्त आकाश कंदील निर्मिती स्पर्धा घेण्यात आली. या स्पर्धेत पाचवी ते सातवीच्या विद्यार्थ्यांसाठी अ गट, तर आठवी ते दहावीच्या विद्यार्थ्यांसाठी ब गट अशी दोन गटांत विभागणी करण्यात आली होती. विद्यार्थ्यांनी कल्पकतेने विविध रंगांचे आणि आकारांचे आकाश कंदील तयार केले. दिवाळीच्या प्रकाशमय वातावरणात या स्पर्धेमुळे शाळेत उत्साहाचे वातावरण निर्माण झाले होते.
दोन्ही गटांतील विजेते
खोंडामळीच्या केंद्रप्रमुख निकिता जाधव, माजी प्रभारी केंद्रप्रमुख आनंदराव करणकाळ, मुख्याध्यापक दासू गांगुर्डे, बापू ठाकरे, उपशिक्षक एम. डी. नेरकर, वाय. डी. बागूल, डॉ. आर. आर. बागूल यांच्या परीक्षणातून विजेत्यांची निवड करण्यात आली. अ गटातून प्रथम क्रमांक सोहम ठाकूर, द्वितीय क्रमांक आरोही मराठे, तृतीय क्रमांक चैताली पाटील यांनी पटकावला, तर दीक्षा पाटील हिला उत्तेजनार्थ बक्षीस मिळाले. ब गटातून प्रथम क्रमांक मानसी पाटील, द्वितीय क्रमांक तुषार पाटील, तृतीय क्रमांक दिव्या ठाकरे यांनी मिळवला, तर सलोनी भील उत्तेजनार्थ बक्षीसाची मानकरी ठरली.
बक्षीस वितरण
बक्षीसपात्र विद्यार्थ्यांना मुख्याध्यापक डी. डी. साळुंके यांच्या हस्ते शैक्षणिक साहित्य बक्षीस म्हणून प्रदान करण्यात आले. या स्पर्धेसाठी उपशिक्षक सी. व्ही. नांद्रे, एस. एच. गायकवाड, डी. बी. भारती, एम. एस. मराठे, ए. एस. बेडसे यांचे मार्गदर्शन लाभले. स्पर्धा यशस्वी करण्यासाठी जे. एस. पाटील, एस. जी. पाटील, एच. एम. खैरनार यांनी परिश्रम घेतले.
स्रोत: मूळ बातमी
Leave a Reply