धुळ्याच्या फागणे येथे उद्या मोफत आरोग्य तपासणी शिबिर

फागणे येथे रविवारी, १ नोव्हेंबर रोजी सकाळी १० ते दुपारी २ दरम्यान मोफत रोगनिदान मार्गदर्शन व उपचार शिबिर होणार आहे. श्री चिंतामणी मल्टिस्पेशालिटी हॉस्पिटल अँड क्रिटिकल केअर सेंटरच्या वतीने या शिबिराचे आयोजन करण्यात आले असून, बसस्थानकाजवळील श्री माणिक मंगल कार्यालयात हे शिबिर होईल.

कोणत्या तपासण्या मोफत मिळतील

शिबिरात सहभागी होणाऱ्या नागरिकांसाठी विविध वैद्यकीय तपासण्या पूर्णपणे मोफत उपलब्ध असतील. यात ईसीजी, रक्तदाब, मधुमेह, बीएमआय, युरिक अॅसिड, एचबी, एलएफटी आणि कोलेस्ट्रॉल तपासणीचा समावेश आहे. तसेच, अनियंत्रित रक्तदाब व मधुमेहविषयक आहार सल्ल्यासह मेडिकल बिलामध्ये सवलत मिळेल.

तज्ज्ञांकडून तपासणी व मार्गदर्शन

शिबिरात अनियंत्रित मधुमेह, उच्च रक्तदाब, थायरॉईड, संधिवात, यकृत व किडनी विकार, मुळव्याध, भगंदर, फुफ्फुसाचे विकार, पॅरेलिसिस, फिट येणे, मायग्रेन, पचनाचे विकार, जुनाट हाडे व सांधे विकार, तसेच एएससिव्हीडी स्कोरद्वारे हृदय रोग व स्ट्रोकच्या १० वर्षांच्या जोखीमीचे निदान केले जाईल. शिबिरात तज्ज्ञ डॉ. वैभव राजू बडगुजर हे रुग्णांची तपासणी व मार्गदर्शन करतील. नागरिकांनी या शिबिराचा लाभ घ्यावा, असे आवाहन करण्यात आले आहे.

स्रोत: मूळ बातमी