गाडी चालवताना अचानक चेक इंजिनची लाइट जळणे, सेल्फ स्टार्टचा वेग मंदावणे किंवा एक्सीलेटरने व्यवस्थित काम न करणे हे नेहमीच कुठल्या तांत्रिक बिघाडामुळे होत नाही. अनेकदा बोनेटच्या आत लपलेल्या उंदरांमुळे अशा समस्या येतात. उंदीर कारमधील तारा, रबर होज आणि प्लास्टिक कुरतडून मोठे नुकसान करतात. अनेकदा इंजिनची वायरिंग बदलण्याचा खर्च २५ हजार ते एक लाखापेक्षा जास्त होतो.
उंदराचे पुढचे दात आयुष्यभर वाढत असतात. हे दात छोटे ठेवण्यासाठी उंदीर रबर, प्लास्टिक आणि फोम सारख्या नरम वस्तू कुरतडतात. कारच्या बोनेटमधील तारा आणि रबर होज कुरतडण्यासाठी उंदरांना सोप्या पडतात. त्यामुळे गाडीत उंदीर का घुसतात आणि त्यापासून गाडीचे संरक्षण कसे करायचे, हे सोप्या उपायांमधून समजून घेऊया.
ऑटोमोटिव रिपेलेंट स्प्रे
कारमधील वायरिंग सुरक्षित ठेवण्यासाठी ऑटोमोटिव रिपेलेंट स्प्रे एक सोपा आणि किफायती उपाय आहे. यात डेनाटोनियम बेंजोएट सारखे घटक असतात. ते सुकल्यानंतर तारांवर आणि पाइपवर असा थर जमवतात, ज्याची चव उंदरांना अजिबात आवडत नाही. स्प्रे लावण्याआधी बोनेटचा भाग ड्राय वॉश किंवा फोम क्लीनरने साफ करा. इंजिन थंड झाल्यानंतर खुल्या तारा, फायरवॉल पॅड आणि व्हील आर्चवर स्प्रेची फवारणी करा. दर दोन-तीन महिन्यांनी हा स्प्रे मारा आणि पावसानंतर पुन्हा मारा.
अल्ट्रासोनिक रिपेलेंट आणि स्ट्रोब लाइट
अल्ट्रासोनिक रॅट रिपेलेंट आणि स्ट्रोब लाइट ही एक इलेक्ट्रॉनिक डिवाइस आहे. हे डिवाइस १२ व्होल्ट बॅटरी किंवा रिचार्जेबल सेलशी जोडता येते. यातून २० ते ६५ किलोहर्ट्झचा जोरात आवाज निघतो. हा आवाज माणसांना ऐकू येत नाही, पण उंदरांना त्यामुळे त्रास होतो. डिवाइसमध्ये चमकणाऱ्या एलईडी स्ट्रोब लाइट सुद्धा आहेत, ज्यामुळे उंदीर गाडीपासून दूर राहतात.
Leave a Reply