नाशिक-लासलगाव-विंचूर मार्गावर एसटी बसचा अपघात झाला आहे. सिन्नर आगाराची ही बस मार्गावर जात असताना गाढवी नाल्यावरील पुलाजवळ हा अपघात घडला. सुदैवाने बसमधील सर्व प्रवासी सुखरूप असून कोणालाही गंभीर दुखापत झालेली नाही.
पुलाजवळ नियंत्रण सुटले
गाढवी नाल्यावरील पुलाजवळून बस जात असताना अचानक समोर दुचाकीस्वार आला. दुचाकीस्वाराला वाचवण्याच्या प्रयत्नात बसचालकाचे नियंत्रण सुटले आणि बस दुभाजकाला धडकली. या धडकेमुळे बसच्या पुढील भागाचे मोठे नुकसान झाले आहे.
सर्व प्रवासी सुखरूप
अपघाताच्या वेळी बसमध्ये प्रवासी होते, मात्र सर्व प्रवासी सुखरूप असल्याचे समजते. अपघातानंतर परिसरातील नागरिकांनी घटनास्थळी धाव घेतली. बसच्या पुढील भागाचे नुकसान झाले असले तरी कोणतीही जीवितहानी झालेली नाही.
दरम्यान, अपघातानंतर बस मार्गावरून बाजूला करण्यात आली असून वाहतूक सुरळीत करण्यासाठी प्रयत्न सुरू आहेत. अपघात नेमका कसा झाला, याची माहिती घेतली जात आहे.
Leave a Reply