राज्याचे तत्कालीन उपमुख्यमंत्री अजित पवार यांचा २८ जानेवारी २०२६ रोजी बारामती विमानतळाजवळ झालेल्या भीषण विमान अपघातात मृत्यू झाला होता. त्यांच्या निधनानंतर या अपघाताबाबत अनेक तर्कवितर्क व्यक्त होत आहेत. आता त्यांच्या शेवटच्या १४ महिन्यांतील विमान प्रवासाची आकडेवारी समोर आली असून, त्यातून धक्कादायक माहिती उघड झाली आहे.
८० टक्के प्रवास व्हीएसआर विमानांनी
समोर आलेल्या आकडेवारीनुसार, अजित पवार यांनी विमान प्रवासासाठी नेहमीच व्हीएसआर कंपनीच्या विमानांना प्राधान्य दिले होते. शेवटच्या १४ महिन्यांतील त्यांच्या विमान प्रवासापैकी तब्बल ८० टक्के प्रवास हा व्हीएसआर कंपनीच्या विमानांमधून झाला होता. ही माहिती समोर आल्यानंतर या प्रकरणाची चर्चा पुन्हा सुरू झाली आहे.
रोहित पवारांचा संशय कायम
अजित पवार यांच्या निधनानंतर त्यांचे पुतणे रोहित पवार यांनी हा अपघात नसून घातपात असल्याचा संशय वारंवार व्यक्त केला आहे. त्यांनी व्हीएसआर या विमान कंपनीवरही गंभीर आरोप केले होते. अजित पवार शेवटच्या वेळी ज्या विमानातून प्रवासाला निघाले होते, त्या विमान कंपनीच्या कारभाराबाबत रोहित पवार यांनी अनेक गंभीर प्रश्न उपस्थित केले आहेत. तसेच या विमान कंपनीला आणि तिच्या मालकांना वाचवले जात असल्याचा आरोपही त्यांनी केला आहे.
Leave a Reply