मीरा-भाईंदर परिसरात सुर्या प्रकल्पाच्या पाण्यावरून महायुतीतच मतभेद उफाळले आहेत. या प्रकल्पाच्या पाण्याच्या श्रेयावरून सुरू झालेला वाद आता थेट शब्दयुद्धात बदलला आहे. मंत्री प्रताप सरनाईक आणि आमदार नरेंद्र मेहता यांच्यात या मुद्द्यावरून उघड खडाजंगी झाली आहे.
पाण्यावरून श्रेयवाद
मीरा-भाईंदरला पाणी मी आणलं, असा दावा मंत्री सरनाईक यांनी केला आहे. या प्रकल्पाच्या पाण्याच्या श्रेयवादातून दोन्ही नेत्यांमध्ये मतभेद निर्माण झाले असून, पाणी कोणामुळे मिळाले यावरून आरोप-प्रत्यारोप सुरू आहेत.
मेहता यांच्या वक्तव्यावर सरनाईकांचा पलटवार
या प्रकल्पाच्या पाण्याचा एक थेंबही ठाण्यास मिळणार नाही, असे वक्तव्य आमदार मेहता यांनी केले होते. या वक्तव्याचा मंत्री सरनाईक यांनी समाचार घेतला असून त्यांनी मेहता यांना खडेबोल सुनावले आहेत. महायुतीतील दोन नेत्यांमधील या वादाकडे आता सर्वांचे लक्ष लागले आहे.
Leave a Reply