भारत आणि न्यूझीलंड यांच्यातील एकदिवसीय आणि टी-२० मालिका संपली आहे. दोन्ही संघांनी प्रथम टी-२० मालिका खेळली, जी टीम इंडियाने ३-२ ने जिंकली. त्यानंतर रंगलेल्या एकदिवसीय मालिकेत भारताने ३-१ ने बाजी मारली. एकदिवसीय मालिका रविवार, १५ नोव्हेंबर रोजी संपली. आता हे दोन्ही देश कसोटी मालिका खेळण्यासाठी सज्ज झाले आहेत. भारत आणि न्यूझीलंड यांच्यात दोन सामन्यांची कसोटी मालिका खेळली जाणार आहे.
दोन कसोटी सामन्यांचे वेळापत्रक
भारताच्या न्यूझीलंड दौऱ्याचा शेवट कसोटी मालिकेने होईल. भारत आणि न्यूझीलंड यांच्यातील पहिला कसोटी सामना वेलिंग्टनमधील बेसिन रिझर्व्ह क्रिकेट मैदानावर होईल. हा सामना १९ नोव्हेंबर रोजी सुरू होऊन २३ नोव्हेंबरपर्यंत चालेल. यानंतर दोन्ही संघांना तीन दिवसांची विश्रांती मिळेल. भारत आणि न्यूझीलंड यांच्यातील दुसरा कसोटी सामना २७ नोव्हेंबर रोजी क्राइस्टचर्चमधील हॅगली ओव्हल मैदानावर सुरू होईल. भारताचा न्यूझीलंड दौरा १ डिसेंबर रोजी संपेल. यानंतर भारतीय संघ १३ डिसेंबरपासून श्रीलंकेविरुद्ध मैदानात उतरेल.
सामने कुठे आणि किती वाजता पाहाल?
भारत आणि न्यूझीलंड यांच्यातील कसोटी सामना स्थानिक वेळेनुसार सकाळी ११ वाजता सुरू होईल. दोन्ही देशांमधील वेळेच्या फरकामुळे सामना भारतात रात्री उशिरा सुरू होईल. भारतीय प्रमाणवेळेनुसार सामन्याची सुरुवात पहाटे ३.३० वाजता होईल. चाहते सोनी स्पोर्ट्स नेटवर्कच्या टीव्ही चॅनेलवर सामन्याच्या थेट प्रक्षेपणाचा आनंद घेऊ शकतात. हा सामना सोनी लिव्ह अॅप आणि वेबसाइटद्वारे देखील थेट पाहता येईल.
दोन्ही संघ
भारत संघ: शुभमन गिल, केएल राहुल, यशस्वी जैस्वाल, देवदत्त पडिक्कल, साई सुदर्शन, ऋषभ पंत, ध्रुव जुरेल, रवींद्र जडेजा, वॉशिंग्टन सुंदर, नितीश कुमार रेड्डी, अंशुल कंबोज, जसप्रीत बुमराह, मोहम्मद सिराज, प्रसिद्ध कृष्णा, आकाश दीप, गुरनूर ब्रार.
न्यूझीलंड संघ: टॉम लॅथम, टॉम ब्लंडेल, डेव्हॉन कॉनवे, जेकब डफी, मॅट हेन्री, काईल जेमिसन, डॅरिल मिचेल, हेन्री निकोल्स, ग्लेन फिलिप्स, रचिन रवींद्र, मिचेल सँटनर, नॅथन स्मिथ, ब्लेअर टिकनर, विल यंग.
Leave a Reply