उत्तर प्रदेशात २०२७ साली होणाऱ्या विधानसभा निवडणुकीपूर्वी समोर आलेल्या एका सर्वेक्षणाने राज्यातील राजकीय वातावरण तापवले आहे. या सर्वेक्षणानुसार सत्ताधारी भाजप आणि समाजवादी पक्ष यांच्यात अत्यंत चुरशीची लढत होण्याची शक्यता आहे.
भाजप आघाडीवर, पण आघाडी मोजकीच
सर्वेक्षणातील अंदाजानुसार भाजपला सुमारे ४१.९ टक्के मते मिळण्याची शक्यता आहे, तर समाजवादी पक्ष ३९.१ टक्के मतांसह त्याच्या अगदी जवळ आहे. दोन्ही पक्षांमधील मतांमधील फरक अत्यंत कमी असल्याने ही निवडणूक कोणत्याही बाजूने झुकू शकते, असे चित्र उभे राहिले आहे.
ग्रामीण आणि शहरी भागातील वेगळे चित्र
सर्वेक्षणात ग्रामीण भागात दोन्ही पक्षांमध्ये जोरदार चुरस दिसून येत आहे, तर शहरी भागात भाजपची पकड अधिक मजबूत असल्याचे दिसते. ओबीसी आणि दलित मतांमध्येही विभागणी झाल्याचे या अंदाजातून समोर आले आहे. एकूणच ही निवडणूक भाजपसाठी सोपी नसेल, असा संकेत सर्वेक्षणातून मिळतो आहे. मात्र, निवडणुकीला अजून वेळ असल्याने प्रत्यक्ष निकालापर्यंत चित्र बदलूही शकते.
Leave a Reply