दोनशे गरजू कुटुंबांच्या घरी पोहोचला दिवाळी फराळ

जळगाव येथील निःस्वार्थ जनसेवा प्रतिष्ठानतर्फे राबवण्यात येणाऱ्या ‘एक फराळ गरजूंसाठी’ या सामाजिक उपक्रमांतर्गत यंदा बडवानी तांडा, पानशेवरी, बढाई आणि चांदण्या तलाव गाववस्ती परिसरातील दोनशे गरीब आणि गरजू कुटुंबांना दिवाळी फराळाचे वाटप करण्यात आले. दिवाळीचा आनंद प्रत्येक घरापर्यंत पोहोचवण्याचा या उपक्रमाचा उद्देश आहे.

प्रतिष्ठानने २०१७ मध्ये या उपक्रमाची सुरुवात केली. गेल्या नऊ वर्षांपासून कोणताही खंड न पडता हा उपक्रम सातत्याने राबवण्यात येत आहे. या सेवाकार्यासाठी हाऊस ऑफ ज्वेलर्स बाय बाफना यांचे संचालक सुनील बाफना, शिल्पा मल्हारा आणि एल. एच. पाटील स्कूल परिवार, अविनाश काकाजी शिलेहार यांच्या स्मरणार्थ नवीन चौकसे आणि शिल्पा चौकसे, ठाणे जिल्ह्यातील सहायक पोलीस आयुक्त सुनील कुराडे, माँ तारा फूडचे संचालक योगेश तलरेजा, सिद्धेश दहाड, डॉ. कोमल पाटील, तृप्ती दोषी, हर्षदा पाटील आणि वंदना थोरात यांनी मोलाचे आर्थिक व सामाजिक सहकार्य केले.

लंडनहूनही सहकार्य

विशेषतः लंडन येथून या सेवाकार्यासाठी सहकार्य करणारे नवीन चौकसे यांचे प्रतिष्ठानच्या वतीने विशेष आभार व्यक्त करण्यात आले. विविध क्षेत्रांतील दानशूर व्यक्ती आणि संस्थांनी दाखवलेल्या सामाजिक बांधिलकीमुळेच दोनशे कुटुंबांपर्यंत दिवाळीचा आनंद पोहोचवणे शक्य झाले, असे प्रतिष्ठानने म्हटले आहे.

स्वयंसेवकांचे परिश्रम

या उपक्रमाच्या यशस्वितेसाठी प्रतिष्ठानचे धीरज जावळे, पूनम भाटिया, धनंजय सोनवणे, सुलतान पटेल, शारदा सोनवणे, नीलेश राजपूत, किरण महाजन, देवीदास महाजन, वेदांत ताडे, दिशा ताडे, अनन्या अल करी, भय्या पाटील, हर्षल महाजन, प्रणव धनगर आणि शिवाज्ञा जावळे तसेच संस्थेचे संस्थापक अविनाश जावळे यांनी विशेष परिश्रम घेतले.

स्रोत: मूळ बातमी