भारतात कॅन्सरचा धोका वाढू लागला आहे. देशात कॅन्सरच्या रुग्णांची संख्या मोठ्या प्रमाणात वाढत आहे. भारतात कॅन्सरचे १४.१३ लाख नवीन रुग्ण आढळून आले असून, या आजारामुळे आतापर्यंत ९.१६ लाख लोकांचा मृत्यू झाला आहे. त्यामुळे लोकांमध्ये भीतीचे वातावरण पसरले आहे.
आकडेवारी काय सांगते?
देशात प्रत्येक दहापैकी एका भारतीय व्यक्तीला ७५ वर्षांच्या आधी कॅन्सर होण्याची भीती असते. भारतात २०२४ साली जवळपास १६ लाख नवीन प्रकरणे समोर आली आहेत. २०५० सालापर्यंत कॅन्सरच्या रुग्णांची संख्या दरवर्षी २८ लाखांपर्यंत पोहोचण्याची भीती व्यक्त केली जात आहे.
धोका का वाढतोय?
भारतात ३० ते ४० वर्षांच्या व्यक्तींनाही कॅन्सर होऊ लागला आहे. तंबाखूचे सेवन, अयोग्य आहार, कमी शारीरिक हालचाली आणि प्रदूषण यांमुळे कॅन्सरचा धोका वाढतो, असे सांगण्यात येत आहे. कॅन्सरचे रुग्ण आता गावाखेड्यातही आढळून येत आहेत. कॅन्सरचे निदान झाल्यानंतर अनेकांना उपचारांच्या आर्थिक खर्चाचा सामना करावा लागतो.
स्रोत: मूळ बातमी
Leave a Reply