कोल्हापूर जिल्हा सहकारी दूध उत्पादक संघ, म्हणजेच गोकुळवरील सत्तासंघर्ष आता नव्या टप्प्यावर पोहोचला आहे. गोकुळवर थेट सरकारचे चार संचालक असावेत, असा निर्णय सरकारने याआधीच घेतला होता. आता राज्यपालांच्या स्वाक्षरीने त्यासंबंधीचा अध्यादेश काढण्यात आला आहे.
सत्तासंघर्ष टोकाला
गोकुळमध्ये आपली सत्ता कायम राहावी, यासाठी सत्ताधारी महायुती आणि विरोधातील महाविकास आघाडी यांच्यातील संघर्ष टोकाला गेला आहे. सत्ताधारी नेत्यांकडून सतेज पाटील यांना अडचणीत आणण्यासाठी वेगवेगळे डाव रचले जात असल्याचा आरोप होत आहे. सरकारचे चार संचालक गोकुळवर असणार असल्याच्या निर्णयामुळे राजकारण चांगलेच पेटले होते. या प्रकरणात लोकसभेचे विरोधी पक्षनेते राहुल गांधी यांनीही लक्ष घातले होते.
९ तारखेला मोर्चाची घोषणा
सतेज पाटील यांनी या निर्णयाच्या विरोधात येत्या ९ तारखेला मोर्चा काढण्याची घोषणा केली होती. त्याच पार्श्वभूमीवर सरकारने थेट राज्यपालांच्या स्वाक्षरीने अध्यादेश काढला आहे. आता या अध्यादेशाला सतेज पाटील आणि समविचारी आघाडी कसे आव्हान देते, याकडे सर्वांचे लक्ष लागले आहे.
स्रोत: मूळ बातमी
Leave a Reply