दिवाळीच्या तयारीत चेहऱ्यावर शायनी नैसर्गिक ग्लो हवा असेल, तर ड्यूई ग्लास स्किन मेकअप हा चांगला पर्याय ठरू शकतो. या मेकअपमुळे चेहरा ताजा, चमकदार आणि नैसर्गिक दिसतो. मात्र, मेकअप करण्यापूर्वी काही मूलभूत पायऱ्या पाळणे गरजेचे आहे.
चेहरा स्वच्छ धुवा
ग्लास स्किन मेकअप करण्यापूर्वी चेहरा स्वच्छ धुणे गरजेचे आहे. यासाठी सौम्य फेसवॉश वापरा. चेहऱ्यावरील धूळ, घाण आणि अतिरिक्त तेल स्वच्छ झाल्यामुळे मेकअप चांगला दिसतो. स्वच्छ त्वचेवर मेकअप अधिक काळ टिकतो आणि त्याचा ग्लोही अधिक उठून दिसतो.
मॉइश्चरायझर आणि सनस्क्रीन लावा
चेहऱ्याला नैसर्गिक चमक देण्यासाठी चांगल्या मॉइश्चरायझरचा वापर करा. त्वचेच्या प्रकारानुसार मॉइश्चरायझर निवडा. यामुळे त्वचा मऊ आणि हायड्रेटेड राहते. तसेच मेकअप करताना चेहरा कोरडा दिसत नाही. यानंतर मेकअप करण्यापूर्वी एसपीएफ ३० किंवा त्यापेक्षा जास्त असलेले सनस्क्रीन लावा. यामुळे सूर्याच्या हानिकारक किरणांपासून त्वचेचे संरक्षण होण्यास मदत होते. या साध्या पायऱ्यांमुळे दिवाळीच्या सणाला तुमचा लूक नैसर्गिकरित्या चमकदार दिसू शकतो.
स्रोत: मूळ बातमी
Leave a Reply