दिवाळीच्या काळात मोठ्या प्रमाणात फटाक्यांची खरेदी केली जाते. फटाक्यांशिवाय दिवाळी पूर्ण होत नाही, असे अनेकांना वाटते. मात्र अनेकजण रेल्वेनेही फटाके घेऊन जातात. रेल्वेचे नियम माहिती नसल्यामुळे ही चूक केली जाते. जर तुम्हीही असे करत असाल तर तात्काळ थांबा, कारण या चुकीमुळे तुम्ही मोठ्या अडचणीत सापडू शकता.
रेल्वेचा नियम काय सांगतो?
भारतीय रेल्वेने ज्वलनशील आणि स्फोटक पदार्थ नेण्यास बंदी घातली आहे. फटाके हे ज्वलनशील असल्याने त्यांच्यामुळे मोठा धोका निर्माण होऊ शकतो. रेल्वेने प्रवास करताना फटाके सोबत घेऊन गेल्यास मोठा दंड बसू शकतो.
बॅगेतील फटाक्यांमुळे आग लागण्याचा धोका
बॅगेतील फटाक्यांच्या घर्षणाने आग लागण्याची शक्यता असते. एखादी छोटीशी चूक पूर्ण डब्ब्यालाही आग लावू शकते. त्यामुळे प्रवाशांच्या सुरक्षेसाठी हा नियम अत्यंत महत्त्वाचा आहे. जर कोणी फटाके नेताना सापडले तर त्याच्यावर मोठा दंड आकारला जाऊ शकतो.
गुन्हाही दाखल होऊ शकतो
दिवाळीच्या काळात हा धोका टाळण्यासाठी रेल्वे सुरक्षा दलाकडून तपासणी केली जाते. केवळ दंडच नव्हे, तर थेट गुन्हाही दाखल होऊ शकतो. कलम १६४ नुसार प्रतिबंधित स्फोटक किंवा धोकादायक पदार्थ नेल्याने गुन्हा दाखल होऊ शकतो. त्यामुळे प्रवासादरम्यान फटाके सोबत नेणे टाळावे.
स्रोत: मूळ बातमी
Leave a Reply