विमानतळावर गांजा सापडल्यास किती शिक्षा होते?

विमानाने प्रवास करताना प्रत्येक प्रवाशाला सुरक्षेच्या अनेक नियमांचे पालन करावे लागते. चेक इनपासून ते सुरक्षा तपासणी आणि सामानाच्या तपासणीपर्यंत सर्व नियम अत्यंत कडक असतात. अशा स्थितीत एखाद्या प्रवाशाच्या बॅगेत गांजासारखा पदार्थ सापडला तर त्याच्या अडचणी आणखी वाढू शकतात. भारतात गांजासंबंधीचे नियम खूप कडक आहेत.

गांजा खरेदी करणे, तो दुसऱ्या व्यक्तीला विकणे किंवा जवळ बाळगणे हा भारतात मोठा गुन्हा मानला जातो. विमानतळावर गांजा आढळून आल्यास त्याचे गांभीर्य आणखी वाढते, कारण तिथे थेट तुरुंगवासाची शक्यता असते. अशा प्रकरणात एनडीपीएस कायदा १९८५ अंतर्गत कारवाई होते.

प्रमाणानुसार वर्गवारी

या कायद्यांतर्गत गांजाचे वर्गीकरण तीन श्रेणींमध्ये करण्यात आले आहे. एक किलो किंवा त्यापेक्षा कमी गांजा सापडल्यास त्याचा समावेश लहान प्रमाणाच्या गटात होतो. एक किलोपेक्षा जास्त आणि वीस किलोपेक्षा कमी गांजा सापडल्यास तो मध्यम श्रेणीत येतो. वीस किलोपेक्षा अधिक गांजा आढळून आल्यास त्याचा समावेश व्यावसायिक प्रमाणाच्या गटात होतो.

किती शिक्षा होऊ शकते

एनडीपीएस कायद्यानुसार एक किलोग्रामपर्यंत गांजा आढळून आल्यास एक वर्षांचा सश्रम कारावास किंवा दहा हजार रुपयांचा दंड होऊ शकतो. एक किलोपेक्षा जास्त आणि वीस किलोग्रामपेक्षा कमी गांजा सापडल्यास दहा वर्षांपर्यंत तुरुंगवास होऊ शकतो. वीस किलोपेक्षा अधिक गांजा सापडल्यास वीस वर्षांपर्यंत तुरुंगवास आणि दोन लाख रुपयांपर्यंत दंड होऊ शकतो. विमानतळावर गांजा पकडला गेल्यास एनडीपीएस कायद्याच्या कलम २३ आणि २९ अंतर्गत इतरही काही गुन्हे दाखल होतात.

स्रोत: मूळ बातमी