देशभरात दिवाळीचा उत्साह पाहायला मिळत आहे. दिवाळी म्हटले की नवीन वाहनांची खरेदी आलीच. यंदाच्या दिवाळीत एखादी नवी कोरी बाईक घ्यायचा विचार करत असाल, तर तुमच्यासाठी आनंदाची बातमी आहे. यामाहा कंपनीकडून दिवाळीनिमित्त विशेष फेस्टिव्ह ऑफर देण्यात आली आहे. कंपनी निवडक स्कूटर आणि बाईक्सवर विमा लाभ आणि कमी डाउन पेमेंटची ऑफर देत आहे. या ऑफर्सअंतर्गत ग्राहक फक्त २४९९ रुपयांच्या डाउन पेमेंटवर यामाहा स्कूटर घरी आणू शकतात.
## कोणत्या स्कूटरवर काय लाभ?
या फेस्टिव्ह ऑफरअंतर्गत फॅसिनो १२५ आणि रेजेडआर १२५ खरेदी करणाऱ्या ग्राहकांना ३९९९ रुपयांचा विमा लाभ मिळत आहे. याशिवाय कंपनीच्या हायब्रीड स्कूटर रेंजवर फक्त २४९९ रुपयांपासून सुरू होणारे डाउन पेमेंट उपलब्ध आहे. या ऑफरमुळे ग्राहकांना कमी डाउन पेमेंटमध्ये यामाहा स्कूटर्स खरेदी करता येतात. डाउन पेमेंटनंतर उर्वरित रक्कम फायनान्स किंवा इतर उपलब्ध पर्यायांद्वारे भरावी लागेल.
## बाईक्सवरही सवलत
कंपनीच्या बाईक्स खरेदी करणाऱ्यांसाठीही विशेष ऑफर्स सादर करण्यात आल्या आहेत. ग्राहकांना निवडक यामाहा एफझेड सिरीज बाईक्सवर ५९९९ रुपयांचा विमा लाभ मिळेल. या सिरीजमधील बाईक्स खरेदी करण्यासाठी ३९०० रुपयांपासून सुरू होणारा डाउन पेमेंटचा पर्याय उपलब्ध आहे. याशिवाय यामाहा एक्सएसआर १५५ वरही ५५५५ रुपयांचा विमा लाभ मिळतो. त्यामुळे ही बाईक खरेदी करणारे ग्राहकही या फेस्टिव्ह ऑफरचा लाभ घेऊ शकतात.
स्पोर्ट्स बाईक्सना प्राधान्य देणाऱ्या ग्राहकांनाही कंपनीने दिलासा दिला आहे. ग्राहक आर १५ आणि एमटी-१५ वर ४९९९ रुपयांपासून सुरू होणाऱ्या डाउन पेमेंट पर्यायांचा लाभ घेऊ शकतात. या ऑफर्स मर्यादित कालावधीसाठी असून दिल्ली-एनसीआरमधील अधिकृत डीलरशिपवर उपलब्ध आहेत. मॉडेल आणि फायनान्स पर्यायांनुसार ऑफरच्या अटी बदलू शकतात, असे कंपनीने स्पष्ट केले आहे. यामाहा मोटर इंडियाचे विक्री विभागाचे वरिष्ठ उपाध्यक्ष रवींदर सिंग यांच्या मते, दिल्लीत प्रीमियम आणि परफॉर्मन्स टू-व्हीलर्सची मागणी वाढत आहे. हे लक्षात घेऊन कंपनी या सणासुदीच्या काळात ग्राहकांसाठी खरेदी सोपी आणि परवडणारी बनवण्याचा प्रयत्न करत आहे.
स्रोत: मूळ बातमी
Leave a Reply