जळगाव शहरातील शिव कॉलनी परिसरात असलेल्या सतपंथ ज्योत मंदिर श्री निष्कलंकी धाममध्ये धार्मिक उत्साहाचे वातावरण आहे. धामच्या १७ व्या वार्षिक उत्सवानिमित्त श्री निष्कलंकी नारायण, अर्थात कल्की भगवान यांच्या मूर्तीची प्राणप्रतिष्ठा महोत्सव सुरू झाला आहे.
महोत्सवाच्या सुरुवातीला यज्ञाचार्य डॉ. श्रीकांत रत्नपारखी महाराज यांच्या वेदोक्त मंत्रोच्चारात भगवंताच्या मूर्तीचा महाभिषेक करण्यात आला. त्यानंतर धान्याधिवास विधीही भक्तिभावाने पार पडला. महामंडलेश्वर स्वामी जनार्दन हरिजी महाराज आणि संत विजय प्रकाश महाराज यांच्यासह अनेक संत-महंतांच्या उपस्थितीत हे विधी शास्त्रोक्त पद्धतीने संपन्न झाले.
मुख्य सोहळा रविवारी
या महोत्सवाचा मुख्य प्राणप्रतिष्ठा सोहळा रविवारी, १ नोव्हेंबर रोजी होणार आहे. जयपूरजवळील मकराना येथून आणण्यात आलेल्या साडेतीन फूट उंचीच्या कल्की भगवान मूर्तीची प्राणप्रतिष्ठा पूज्य संतांच्या उपस्थितीत केली जाईल.
या सोहळ्यासाठी सतपंथ पीठाचे जगद्गुरू सत्पंथाचार्य श्री ज्ञानेश्वरदेवाचार्य महाराज, वृंदावनचे संत गोपाल चैतन्य महाराज, महामंडलेश्वर पवनकुमारदास महाराज, स्वामी उदयगीरी महाराज, स्वामी आत्मारामानंद आणि महंत दीपकदास महाराज यांच्यासह विविध ठिकाणांहून संत-महंत उपस्थित राहणार आहेत. यज्ञाचार्य डॉ. श्रीकांत रत्नपारखी आणि आचार्य डॉ. सचिन पाटील यांचीही उपस्थिती लाभणार आहे.
रविवारचा कार्यक्रम असा
रविवारी सकाळी ८.३० वाजता ध्वजारोहण होईल. सकाळी ९ वाजता श्री निष्कलंकी नारायण मूर्तीची प्राणप्रतिष्ठा आणि यज्ञपूर्णाहुती होणार आहे. सकाळी १० ते दुपारी १२ या वेळेत धर्मसभा, संतमेलन, विशेष सन्मान, गोदान आणि वास्तुदान संकल्पाचे आयोजन करण्यात आले आहे. दुपारी १ ते ३ या वेळेत महाप्रसाद होईल. या धार्मिक सोहळ्याला भाविकांनी मोठ्या संख्येने उपस्थित राहून दर्शन आणि महाप्रसादाचा लाभ घ्यावा, असे आवाहन धामच्या वतीने करण्यात आले आहे.
स्रोत: मूळ बातमी
Leave a Reply