धुळ्यात एसव्हीकेएम स्कूलमध्ये रास गरबा उत्सव जल्लोषात साजरा

धुळ्यातील एसव्हीकेएम सीबीएसई स्कूल येथे रास गरबा उत्सव जल्लोषात साजरा करण्यात आला. परंपरा आणि आधुनिकतेचा सुंदर संगम या संकल्पनेवर आधारित या उत्सवाने शाळा परिसर आनंदमय आणि चैतन्यमय झाला होता.

दुर्गा पूजा आणि आरतीने सुरुवात

उत्सवाची सुरुवात माता दुर्गा पूजा आणि आरतीने झाली. एसव्हीकेएम धुळे कॅम्पसचे चेअरमन संजय अग्रवाल उपस्थित होते. शीतल शाह, साक्षी योगेश संघवी, कुलसचिव डॉ. हर्षल साळुंखे, आयओपीचे प्राचार्य डॉ. समीर गोयल, परीक्षा नियंत्रक सुनील गुप्ता, वाणिज्य विद्याशाखेचे डीन डॉ. श्रीप्रकाश सोनी आणि शाळेच्या प्राचार्या सुनंदा मेनन व्यासपीठावर उपस्थित होत्या. साक्षी योगेश संघवी यांनी उपस्थितांना मार्गदर्शन केले.

पारंपरिक, इंडो-वेस्टर्न तसेच रंगीबेरंगी गरबा वेशभूषेत सजलेल्या विद्यार्थी, पालक आणि शिक्षकांनी गरब्याच्या तालावर उत्स्फूर्त नृत्य केले.

विजेत्यांचा गौरव

गरबा रासमध्ये सहभागी झालेल्या विजेत्या विद्यार्थ्यांना, पालकांना आणि शिक्षकांना मान्यवरांच्या हस्ते पारितोषिके देऊन गौरवण्यात आले. पालक आयोजक मंडळाच्या सदस्यांनी सहकार्य केले. प्राचार्या सुनंदा मेनन यांच्या मार्गदर्शनात स्नेहा सैनी आणि स्वेतल पाठक यांनी समन्वय साधला.

स्रोत: मूळ बातमी