तळहातावरील काही रेषा आणि चिन्हांचा संबंध विवाहाशी जोडला जातो. हस्तशास्त्रानुसार कोणती चिन्हे लव्ह मॅरेज आणि अरेंज मॅरेजचे संकेत मानली जातात, हे जाणून घेण्याची उत्सुकता अनेकांना असते. तळहातावरील विवाहरेषा, हृदयरेषा, शुक्र पर्वत आणि भाग्यरेषा यांच्या स्थितीवरून विवाहाच्या स्वरूपाबाबत अंदाज वर्तवला जातो, असे हस्तशास्त्रात सांगितले जाते. विवाहाबाबतचे हे अंदाज केवळ पारंपरिक मान्यतांवर आधारित असून, प्रत्यक्ष आयुष्यातील निर्णय केवळ या चिन्हांवर अवलंबून ठेवू नयेत, असेही सांगितले जाते. ही माहिती प्राथमिक स्वरूपाची असून तिची पुष्टी करण्यात आलेली नाही, हे लक्षात ठेवावे.
लव्ह मॅरेजचे संकेत मानली जाणारी चिन्हे
करंगळीच्या खाली असलेली विवाहरेषा स्पष्ट आणि सरळ असेल, तर ते प्रेमविवाहाचे चिन्ह मानले जाते. हृदयरेषा जर लांब आणि स्पष्ट असेल, तर त्या व्यक्तीचा प्रेमविवाह होतोच, असे मानले जाते. अशा व्यक्तीचे ज्या व्यक्तीवर प्रेम असते, तिच्यावर मनापासून आणि गंभीर प्रेमसंबंध असतात, असेही सांगितले जाते. अंगठ्याच्या खालील भागाला शुक्र पर्वत म्हणतात. हा भाग उठावदार असेल, तर व्यक्ती प्रेमळ आणि भावनिक स्वभावाची असल्याचे मानले जाते. जर विवाहरेषा खाली झुकून किंवा वळून थेट हृदयरेषेला मिळत असेल किंवा तिला कापत असेल, तर अशी व्यक्ती लगेच प्रेमात पडते आणि तिचा प्रेमविवाह होण्याची शक्यता अधिक असते, असे हस्तशास्त्रात म्हटले जाते.
अरेंज मॅरेजचे संकेत कोणते?
करंगळीच्या खाली जर एकदम स्पष्ट, सरळ आणि एकेरी विवाहरेषा असेल आणि ती कोणत्याही रेषेला कापत नसेल, तर साधारणपणे ती अरेंज मॅरेज दर्शवते, असे मानले जाते. त्याचप्रमाणे हातावर भाग्यरेषा अतिशय स्पष्ट असेल आणि सरळ विवाहरेषा असेल, तर कुटुंबियांच्या संमतीने विवाह होण्याचे संकेत असतात, असे सांगितले जाते. हस्तशास्त्रातील ही चिन्हे केवळ अंदाज आणि मान्यतांवर आधारित आहेत. या माहितीवरून कोणताही निर्णय घेण्याआधी संबंधित क्षेत्रातील तज्ज्ञांचा सल्ला घ्यावा, असा सल्ला देण्यात आला आहे. अंधश्रद्धा पसरवण्याचा या माहितीचा उद्देश नाही.
Leave a Reply