वय वाढत जातं, पण काही जणांची उंची काही वाढतच नाही. उंची वाढवण्यासाठी बरेच प्रयत्न केले जातात, पण त्यांचा फायदा होत नाही. बाजारात उपलब्ध असणारी उंची वाढवण्याची पेय प्यायल्यानेही उंची वाढते की नाही, हे माहित नाही. मात्र योग्य आहार आणि काही सोप्या सवयी अंगीकारल्याने उंची वाढण्यास मदत होऊ शकते.
आहारात काय समाविष्ट करावे
प्रोटीनयुक्त आहार शरीराच्या वाढीसाठी आणि स्नायूंच्या विकासासाठी महत्त्वाचा असतो. त्यामुळे डाळी, कडधान्य, अंडी, दूध, दही, पनीर आणि सोयबीन यांसारख्या पदार्थांचा आहारात समावेश करावा. कॅल्शियमकडेही खास लक्ष द्यावे. दूध, दही, पनीर, तीळ आणि हिरव्या पालेभाज्यांमधून कॅल्शियम मिळू शकते. हाडांच्या आरोग्यासाठी कॅल्शियम महत्त्वाचे असते, त्यामुळे त्याकडे दुर्लक्ष करू नये.
व्यायाम आणि योग
रोज व्यायाम करणेही आवश्यक आहे. धावणे, सायकलिंग, पोहणे, खेळणे किंवा इतर व्यायाम नियमित केल्याने शरीर सक्रिय राहते आणि फिटनेस व स्नायूंच्या वाढीस मदत होते. योग केल्यानेही उंची वाढवता येते. रोज ताडासन, भुजंगासन आणि कॅट वॉक यांसारखे व्यायाम केल्याने लवचिकता वाढते आणि त्यामुळे उंची वाढण्यास मदत होते.
शरीराच्या वाढीसाठी सायकलिंग महत्त्वाची मानली जाते. सायकलिंग केल्याने शरीर ताणले जाते. ट्रेकिंग केल्याने शरीराची हालचाल मोठ्या प्रमाणात होते आणि त्यामुळेही उंची वाढण्यास मदत होते. ही माहिती प्राथमिक स्वरुपाची आहे. सविस्तर माहितीसाठी किंवा कोणताही प्रयोग करण्याआधी त्या-त्या क्षेत्रातील तज्ज्ञांशी संपर्क साधावा.
Leave a Reply