मराठी अभिनेत्री अनुष्का पिंपुटकरची सोशल मीडियावर केलेली एक पोस्ट चर्चेत आली आहे. तिचा एक व्हिडिओ सोशल मीडियावर व्हायरल होत असून, त्यावर तिने संताप व्यक्त केला आहे.
व्हिडिओमध्ये नेमके काय आहे
व्हायरल होत असलेल्या व्हिडिओमध्ये एक पुरुष मुद्दाम तिला स्पर्श करण्याचा प्रयत्न करताना दिसतो. मात्र हा व्हिडिओ जनक या सिनेमाच्या प्रमोशनसाठी तयार करण्यात आलेला होता. अभिनेत्रीचा हा व्हिडिओ अर्धाच पोस्ट करण्यात आला असून तोच व्हिडिओ व्हायरल होत आहे.
अनुष्का काय म्हणाली
अनुष्का म्हणते की, दोन दिवसांपासून तिची एक क्लिप प्रचंड व्हायरल होत आहे. ती मूळ क्लिप जनक या सिनेमासाठी तिने तयार केली होती. सिनेमाच्या प्रमोशनसाठी तो व्हिडिओ बनवलेला होता. व्हिडिओच्या शेवटी सिनेमाबद्दल माहिती दिलेली होती. मात्र इतक्या लोकांनी तो व्हिडिओ व्हायरल केला की, त्यांनी शेवटची सिनेमाबद्दलची माहिती काढून फक्त व्हिडिओ पोस्ट केला. हे खूप चुकीचे असल्याचे तिने म्हटले आहे.
व्हिडिओ डिलीट करण्याची मागणी
अनुष्का म्हणते की, तिचा जनक हा सिनेमा याच विषयावर आधारित आहे आणि ती आता ते खऱ्या आयुष्यातही अनुभवत आहे. व्हायरल व्हिडिओवरील कमेंट वाचून तिला खूप वाईट वाटले. एखाद्याची अशी बदनामी कशी करता येईल, असा प्रश्न तिने उपस्थित केला आहे. तो व्हिडिओ कृपया डिलीट करा, अशी विनंती तिने केली आहे.
Leave a Reply