नोकरी करणाऱ्या प्रत्येक व्यक्तीच्या पगारातील काही भाग भविष्य निर्वाह निधीत जमा होत असतो. अडचणीच्या काळात ही बचत आर्थिक आधार ठरते. आता या निधीतून पैसे काढणे, क्लेम सेटलमेंट आणि निवृत्तीनंतर बचतीचा वापर यासंदर्भात महत्त्वाचे बदल समोर आले आहेत.
१९ नोव्हेंबर २०२६ रोजी कर्मचारी भविष्य निर्वाह निधी संघटनेच्या २४० व्या केंद्रीय विश्वस्त मंडळाची बैठक झाली. या बैठकीत कर्मचाऱ्यांना फायदेशीर ठरणारे निर्णय घेण्यात आले आहेत.
दोन महत्त्वाचे बदल
पहिला बदल म्हणजे, पीएफ खात्यात शिल्लक रक्कम ठेवण्याची अट कमी करण्यात आली आहे. यापूर्वी २५ टक्के रक्कम खात्यात ठेवावी लागत होती, ती अट आता १० टक्क्यांपर्यंत कमी करण्यात आली आहे.
दुसरा बदल म्हणजे, नोकरी सोडल्यानंतर पैसे काढण्यासाठी आता १२ महिने वाट पाहावी लागणार नाही. आता दोन महिन्यांतच पैसे काढता येणार आहेत.
कर्मचाऱ्यांना दिलासा
या निर्णयांमुळे नोकरी सोडल्यानंतर आर्थिक अडचणीत सापडणाऱ्या कर्मचाऱ्यांना मोठा दिलासा मिळणार आहे. पीएफमधील ९० टक्के रक्कम काढण्याची वाटही आता दोन महिन्यांची झाली आहे.
Leave a Reply