तक्रार हा आपल्या दैनंदिन जीवनातील संवादाचा अविभाज्य भाग आहे. घरात पालकांविषयी, शाळेत शिक्षकांविषयी, महाविद्यालयात नियमांविषयी, मित्र-मैत्रिणींविषयी किंवा कामाच्या ठिकाणी सहकाऱ्यांविषयी आपण अनेकदा तक्रारी ऐकतो. क्लिनिकल सायकॉलॉजिस्ट डॉ. कविता शंकर गडदे यांच्या मते, तक्रारींमागील मानसशास्त्र समजून घेणे महत्त्वाचे आहे.
तक्रार कधी उपयुक्त ठरते?
काही व्यक्ती आपल्या अडचणी स्पष्टपणे मांडतात. त्यांच्या तक्रारीतून एखाद्या समस्येकडे लक्ष वेधले जाते आणि ती सोडवण्याचा मार्गही निघू शकतो. अशा वेळी तक्रार ही केवळ नाराजी नसून, अडचण सांगण्याचे एक माध्यम ठरते.
सततची तक्रार काय सांगते?
दुसरीकडे काही व्यक्ती सतत नाराजी व्यक्त करताना दिसतात. त्याच विषयाची वारंवार चर्चा होत राहते, पण तोडगा निघत नाही. मानसशास्त्रीय दृष्टिकोनातून विचार केला, तर अशा सततच्या तक्रारीमागे व्यक्तीच्या मनातील अस्वस्थता, अपेक्षा किंवा लपलेल्या भावना असू शकतात. तक्रार करणाऱ्याचे म्हणणे ऐकून घेणे आणि त्यामागील खरी अडचण समजून घेणे, हेच त्यावरचे योग्य उत्तर ठरू शकते.
Leave a Reply