गुरुवार, १९ नोव्हेंबर २०२६ ▶
वेगवान महाराष्ट्र महाराष्ट्राच्या ताज्या बातम्या

फार्मसी विद्यार्थ्याची आविष्कार स्पर्धेत दमदार कामगिरी

एनटीव्हीएस फार्मसीचा विद्यार्थी लतेश मकवाना विद्यापीठ आविष्कार स्पर्धेत द्वितीय आला. त्याच्या 'बोलकी भिंत' प्रकल्पामुळे राज्यस्तरीय स्पर्धेसाठी निवड झाली आहे.

फार्मसी विद्यार्थ्याची आविष्कार स्पर्धेत दमदार कामगिरी

डॉ. बाबासाहेब आंबेडकर तंत्रशास्त्र विद्यापीठ लोणेरे आयोजित विद्यापीठस्तरीय आविष्कार स्पर्धेत नंदुरबार तालुका विधायक समितीच्या एनटीव्हीएस इन्स्टिट्यूट ऑफ फार्मसीच्या पदवीपूर्व विद्यार्थ्याने उल्लेखनीय यश मिळवले आहे. लतेश मकवाना मानवविद्या, भाषा व ललित कला या विभागात द्वितीय आला असून या यशामुळे त्याची राज्यस्तरीय आविष्कार स्पर्धेसाठी निवड झाली आहे.

‘बोलकी भिंत’ प्रकल्पाला दाद

लतेश यांनी ‘बोलकी भिंत’ या प्रकल्पाच्या माध्यमातून ग्रामीण भागातील पारंपरिक भित्तिचित्रांचे दस्तऐवजीकरण, स्थानिक कला व संस्कृतीचे जतन तसेच सांस्कृतिक वारशाबद्दल जनजागृती करण्याचा प्रयत्न केला आहे. त्यांच्या या संकल्पनेला विद्यापीठस्तरावर विशेष दाद मिळाली. या प्रकल्पासाठी त्यांना प्रा. तेजल पवार यांचे मार्गदर्शन लाभले, तर प्रा. किशोर राठी यांनी सहकार्य केले.

संस्थेकडून अभिनंदन

या यशाबद्दल संस्थेचे अध्यक्ष चंद्रकांत रघुवंशी, उपाध्यक्ष मनोज रघुवंशी, सचिव बी. के. पाटील, संस्थेचे समन्वयक डॉ. एम. एस. रघुवंशी आणि प्राचार्या प्रा. वैशाली शेवाळे यांनी लतेशचे अभिनंदन केले आहे. लतेशच्या या यशाबद्दल संस्थेतील प्राचार्या प्रा. वैशाली डी. शेवाळे, प्रा. तेजल पवार आणि प्रा. किशोर राठी यांनी त्यांचा सत्कार केला.

विशाल राजपूत

Similar Posts

View All

Leave a Reply

Your email address will not be published. Required fields are marked *

ही वेबसाइट AI सहाय्याने व्यवस्थापित केली जाते · This website is managed with AI assistance