उपमुख्यमंत्री एकनाथ शिंदे राज्यात पुन्हा एकदा ‘ऑपरेशन टायगर’ मोहीम राबवणार असल्याची चर्चा सुरू होती. मात्र त्याआधीच उद्धव ठाकरेंनी मोठा डाव टाकत शिंदे गटाला जोरदार धक्का दिला आहे. शिंदे गटातील शेकडो शिवसेना कार्यकर्त्यांनी ठाकरे गटात प्रवेश केल्याची माहिती समोर आली आहे.
डोंबिवलीतील शेकडो कार्यकर्त्यांचा प्रवेश
शिंदे गटाच्या शिवसेनेतील डोंबिवलीमधील शेकडो पदाधिकारी आणि कार्यकर्त्यांनी शिवसेना ठाकरे गटात प्रवेश केला आहे. या प्रवेशामुळे डोंबिवलीतील राजकीय समीकरणं बदलण्याची शक्यता आहे. ठाकरे गटात सामील झालेल्या कार्यकर्त्यांची संख्या शेकडोंच्या घरात असल्याचं सांगितलं जात आहे.
शिंदे गटाला जोरदार धक्का
उद्धव ठाकरेंनी ऑपरेशन टायगर ३.० आधीच ही खेळी केल्यामुळे शिंदे गटाला धक्का बसला आहे. शिंदे पुन्हा ऑपरेशन टायगर मोहीम राबवतील, अशी चर्चा असतानाच ठाकरेंनी शिंदे गटातील कार्यकर्त्यांना आपल्या पक्षात सामील करून घेतलं आहे. या घडामोडीनंतर राज्यातील राजकीय वर्तुळात चर्चांना उधाण आलं आहे.
Leave a Reply