डिसेंबर महिन्यात राजस्थानमध्ये थंडी जाणवते. या वातावरणात राजस्थान कुटुंबासह फिरण्यासाठी उत्तम आहे. राजस्थानमधील चार ठिकाणे अतिशय सुंदर आहेत. या ठिकाणांना थंडीच्या दिवसांत नक्कीच भेट द्यावी.
जैसलमेर आणि जयपूर
राजस्थानमधील जैसलमेर शहर हे सोनेरी शहर या नावाने प्रसिद्ध आहे. या शहरात जैसलमेरचा किल्ला आणि जैन मंदिराला भेट देता येते. वाळवंटी भागातील हे शहर आपल्या वेगळ्या रूपाने पर्यटकांना आकर्षित करते.
राजस्थानची राजधानी जयपूरला गुलाबी शहर म्हटले जाते. डिसेंबर महिन्यात जयपूर फिरण्यासाठी चांगले आणि सुंदर शहर आहे. येथे आमेर किल्ला, सिटी पॅलेस याशिवाय बिरला मंदिराला भेट देता येते.
उदयपूर आणि जोधपूर
उदयपूरला तलावांचे शहर देखील म्हटले जाते. उदयपूर हे राजस्थानमधील सुंदर शहर आहे. या शहरातील पिछोला तलावात बोटीतून फिरता येते. जोडीदारासोबत फिरण्यासाठी उदयपूर चांगले शहर आहे.
जोधपूरला निळे शहर म्हटले जाते. कारण या भागात निळ्या रंगाची घरे पाहायला मिळतात. डिसेंबर महिन्यात या शहरात वातावरण थंड असते. जोधपूरच्या मेहरानगड किल्ला आणि उम्मेद भवन पॅलेसला भेट देता येते.
थंडीच्या दिवसांत राजस्थानची ही चारही शहरे वेगवेगळा अनुभव देतात. किल्ले, राजवाडे, मंदिरे आणि तलाव यामुळे कुटुंबासह केलेली ही सहल संस्मरणीय ठरू शकते.
Leave a Reply