मंगळवार, १७ नोव्हेंबर २०२६ ▶
वेगवान महाराष्ट्र महाराष्ट्राच्या ताज्या बातम्या

जळगावात छटपूजेची सांगता; सूर्याला जलार्पण करून प्रार्थना

जळगावच्या मेहरुण तलावावरील गणेश घाटावर छटपूजा दोन दिवस साजरी झाली. सोमवारी पहाटे हजारो भाविकांनी उगवत्या सूर्याला जलार्पण करून सुख-शांतीसाठी प्रार्थना केली.

जळगावात छटपूजेची सांगता; सूर्याला जलार्पण करून प्रार्थना

जळगावात मेहरुण तलावाच्या गणेश घाटावर छटपूजा दोन दिवस उत्साहात साजरी करण्यात आली. उत्तर भारतीय संघ छटपूजा समितीने या कार्यक्रमाचे आयोजन केले होते. सोमवारी (ता. १६) पहाटे उगवत्या सूर्याला हजारो उत्तर भारतीयांनी जलार्पण करून छटपूजेची सांगता केली. यावेळी होम-हवन करून सुख-शांतीसाठी प्रार्थना करण्यात आली.

रात्रभर पूजा आणि सांस्कृतिक कार्यक्रम

रविवारी (ता. १५) सायंकाळी पाच वाजल्यापासून ते सोमवारी सकाळी आठ वाजेपर्यंत छटपूजा आणि सांस्कृतिक कार्यक्रमांचे आयोजन करण्यात आले होते. रविवारी रात्रभर पूजा, महाप्रसाद आणि सांस्कृतिक कार्यक्रम घाटावर झाले. गायत्री मंत्रोच्चारात होम-हवन करण्यात येऊन हजारो भाविकांनी सुख-शांती, पुत्रप्राप्ती आणि चांगले आरोग्य लाभावे, यासाठी प्रार्थना केली.

पूजेनंतर घाटाची स्वच्छता

पूजेनंतर समितीने गणेश घाटावर स्वच्छता मोहीम राबवली. पूजेसाठी आलेल्या भाविकांकडून निर्माल्य, फुले आणि अन्य कचरा तलावात जाऊ नये, यासाठी समितीच्या सदस्यांनी दखल घेत कार्यक्रमानंतर लगेच स्वच्छता मोहीम राबवली. कार्यक्रमाच्या यशासाठी समितीचे अध्यक्ष ललन यादव, उपाध्यक्ष मनोहर सहानी, कार्याध्यक्ष चंदन सहानी, कोषाध्यक्ष राजेश विश्वकर्मा, सचिव यशवंत मिश्रा यांच्यासह पदाधिकारी आणि समाजबांधवांनी सहकार्य केले.

विशाल राजपूत

Similar Posts

View All

Leave a Reply

Your email address will not be published. Required fields are marked *

ही वेबसाइट AI सहाय्याने व्यवस्थापित केली जाते · This website is managed with AI assistance