शेगाव दर्शनावरून परतताना अपघात; तिघांचा जागीच मृत्यू

बुलढाणा जिल्ह्यातील खामगावजवळ भीषण रस्ते अपघात झाला आहे. मुंबई-कोलकाता राष्ट्रीय महामार्ग क्रमांक ५६ वर दुचाकीची ट्रकला जोरदार धडक बसली. या अपघातात जळगाव जिल्ह्यातील तीन तरुणांचा जागीच मृत्यू झाला.

दर्शन घेऊन परतताना अनर्थ

तिन्ही तरुण शेगाव येथे संत गजानन महाराजांचे दर्शन घेऊन आपल्या गावी परतत होते. यावेळी खामगावजवळ त्यांच्या दुचाकीची ट्रकला धडक बसली. अपघाताची तीव्रता इतकी भीषण होती की तिघांचाही जागीच मृत्यू झाला.

परिसरात हळहळ

या घटनेमुळे परिसरात हळहळ व्यक्त होत आहे. भरधाव दुचाकीने ट्रकला धडक दिल्याने ही दुर्घटना घडली.