स्वतःचे पुस्तक लिहून ते बाजारात आणणे हे अनेक नवीन लेखकांचे स्वप्न असते. मात्र पुस्तक लिहिण्यापेक्षा ते प्रत्यक्षात छापणे आणि वाचकांपर्यंत पोहोचवणे यात बरीच प्रक्रिया समाविष्ट असते. भारतात पुस्तक पब्लिशिंगचा खर्च किती येतो आणि सेल्फ पब्लिशिंग व ट्रेडिशनल पब्लिशिंग या दोन्ही पद्धतींमध्ये काय फरक आहे, याबद्दलची सविस्तर माहिती आता जाणून घेऊया.
ट्रेडिशनल पब्लिशिंग म्हणजे काय?
या पद्धतीमध्ये पब्लिशिंग हाऊसेस पुस्तकाचा सर्व खर्च उचलतात. लेखकाला एकही पैसा भरावा लागत नाही. उलट पब्लिशर लेखकाला ॲडव्हान्स रॉयल्टी देतो. येथे पुस्तकाची प्रत पब्लिशरला पाठवावी लागते. त्यांची टीम मसुदा पसंत केल्यानंतरच पुस्तक छापण्याचा निर्णय घेते. यामध्ये एडिटिंग, डिझाईन, प्रिंटिंग आणि मार्केटिंगचा सर्व खर्च पब्लिशर स्वतः करतो. पुस्तकाच्या विक्रीवर लेखकाला साधारणपणे ५ टक्के ते १५ टक्के रॉयल्टी मिळते.
सेल्फ पब्लिशिंग म्हणजे काय?
या पद्धतीत लेखक स्वतःच आपल्या पुस्तकाचा पब्लिशर असतो. पुस्तकाच्या छपाईपासून ते मार्केटिंगपर्यंतचा संपूर्ण खर्च लेखकाला स्वतः करावा लागतो. भारतात सेल्फ पब्लिशिंग पॅकेजेस साधारणपणे १० हजार रुपयांपासून सुरू होऊन ५० हजार रुपये किंवा त्याहून अधिक असू शकतात. यात कोणाचीही मंजुरी घेण्याची गरज नसते. लेखक स्वतः बुक मायक्रो-पब्लिशर कंपन्यांची मदत घेऊन पुस्तक झटपट बाजारात आणू शकतो. यात पुस्तकाच्या विक्रीतून मिळणारा संपूर्ण नफा थेट लेखकाला मिळतो.
Leave a Reply