कृत्रिम बुद्धिमत्ता क्षेत्रातील आघाडीची कंपनी एनविडियाच्या सीईओ जेन्सन हुआंग यांच्या प्रेमप्रकरणासंबंधीचा एक अहवाल समोर आला आहे. या अहवालानंतर कंपनीच्या शेअर्समध्ये मोठी घसरण झाल्याचा दावा करण्यात आला आहे.
अहवालानुसार, जेन्सन हुआंग यांचे चिनी महिला व्यावसायिक एलिस हुआंग यांच्यासोबत प्रेमसंबंध होते. एलिस हुआंग या चीनच्या गुप्तहेर असून त्यांनी एनविडियाच्या चिपची माहिती चीनला पुरवल्याचा संशय अमेरिकेच्या सुरक्षा यंत्रणांना असल्याचेही अहवालात म्हटले आहे.
सीईओपदाचा राजीनामा आणि चौकशी
अहवालानुसार, एलिस हुआंग यांच्यासोबतच्या प्रेमप्रकरणाची जाहीर कबुली देत जेन्सन हुआंग यांनी एनविडियाच्या सीईओपदाचा राजीनामाही दिला आहे. या घडामोडींमुळे अमेरिकेच्या शेअर बाजारात खळबळ उडाली आहे.
या प्रकरणानंतर एनविडियाच्या शेअर्समध्ये तब्बल ३० टक्क्यांची घट झाल्याचा दावा अहवालात करण्यात आला आहे. त्यामुळे कंपनीचे बाजारमूल्य ४६ लाख कोटी रुपयांनी कमी झाल्याचे सांगितले जात आहे. कंपनीच्या संचालक मंडळाने या प्रकरणाची चौकशी सुरू केली असून अमेरिकेच्या सुरक्षा यंत्रणांकडूनही या प्रकरणाची चौकशी सुरू असल्याचे अहवालात म्हटले आहे.
या सर्व प्रकारामुळे कंपनीच्या गुंतवणूकदारांमध्ये असुरक्षिततेची भावना निर्माण झाली आहे. या प्रकरणाला जगातील सर्वात मोठे कॉर्पोरेट हनी ट्रॅप असल्याचीही चर्चा सुरू आहे.
स्रोत: मूळ बातमी
Leave a Reply