उत्तर प्रदेशमधील मुजफ्फरनगर जिल्ह्यात एका भीषण अपघातात सहा जणांचा जिवंत जळून मृत्यू झाला आहे. भरधाव कार डिव्हायडर आणि विजेच्या खांबाला धडकल्यानंतर तिला भीषण आग लागली. कारमध्ये अडकल्यामुळे सहा जणांचा जागीच मृत्यू झाला.
हरिद्वारला जाताना अपघात
मिळालेल्या माहितीनुसार, हरियाणामधील जिंद परिसरातील एक कुटुंब कारने हरिद्वारच्या दिशेने जात होते. मुजफ्फरनगरमधील हायवेवरून जात असताना भरधाव कार अचानक अनियंत्रित झाली. कारचा वेग जास्त असल्यामुळे ती थेट रस्त्यावरील डिव्हायडर आणि विजेच्या खांबाला जाऊन धडकली. टक्कर इतकी जोरदार होती की, काही कळण्याच्या आतच कारला भीषण आग लागली.
सहा जणांचा जागीच मृत्यू
आग लागलेल्या कारमध्ये अडकल्यामुळे सहा जणांचा जिवंत जळून जागीच मृत्यू झाला आहे. अपघात नेमका कसा घडला, याबाबत अधिक माहिती मिळणे बाकी आहे.
स्रोत: मूळ बातमी
Leave a Reply