वाढलेले वजन कमी करण्यासाठी अनेकजण वेगवेगळे उपाय करतात. कोणी व्यायामशाळेत घाम गाळते, तर कोणी आहारावर नियंत्रण ठेवते. मात्र आहार आणि जीवनशैलीत छोटे बदल करूनही वजन कमी करता येते, असे एका सोशल मीडिया कंटेंट क्रिएटरच्या अनुभवातून समोर आले आहे. तिने ९२ किलोवरून ६० किलोपर्यंत वजन कमी केल्याचा दावा केला असून, हा अनुभव तिने इन्स्टाग्रामवर शेअर केला आहे.
आहारातून टाळलेले पाच पदार्थ
१. साखरयुक्त पेये: साखर असलेली पेये पिणे तिने सर्वात आधी बंद केले. त्याऐवजी लिंबूपाणी, नारळपाणी आणि ग्रीन टी पिण्यास सुरुवात केली. साखरयुक्त पेयांमधून शरीरात अतिरिक्त कॅलरी जाऊ शकतात, हे त्यामागचे कारण आहे.
२. पांढरा ब्रेड: पांढऱ्या ब्रेडऐवजी मल्टीग्रेन ब्रेड, व्होल व्हीट ब्रेड, सॉरडो आणि ओट्सचा आहारात समावेश केला. त्यामुळे आहारातील फायबरचे प्रमाण वाढण्यास मदत होऊ शकते.
३. पॅकेज्ड स्नॅक्स: चिप्ससारखे पॅकेज्ड पदार्थ खाणे तिने सोडले. अशा पदार्थांमध्ये मीठ आणि कॅलरी जास्त असू शकतात. त्याऐवजी भाजलेले चणे, मखाना आणि सुकामेवा खाण्यास सुरुवात केली.
४. तळलेले फास्ट फूड: बर्गर आणि फ्रेंच फ्राइजसारखे तळलेले पदार्थ टाळले. त्याऐवजी घरगुती रॅप्स, पनीर टिक्का, चिकन टिक्का आणि साधे घरचे जेवण पसंत केले.
५. रात्री उशिरा खाणे: रात्री उशिरा विनाकारण स्नॅक्स खाण्याची सवयही तिने सोडली. भूक लागल्यास हर्बल टी घेणे आणि पुरेशी झोप घेण्यावर तिने भर दिला.
या सवयीही ठेवल्या
आहारातील बदलांबरोबरच काही चांगल्या सवयीही तिने लावून घेतल्या. दररोज २ ते ३ लिटर पाणी पिणे, रात्री किमान ७ तास झोप घेणे, नियमित चालण्याचा व्यायाम करणे, आहारातून मिळणाऱ्या कॅलरींवर नियंत्रण ठेवणे आणि कॅलरी डेफिसिट राखणे यांवर तिने लक्ष दिले.
कॅलरी डेफिसिट हाच मुख्य मंत्र
तिच्या मते, वजन कमी करण्यासाठी कॅलरी डेफिसिट ही सर्वात महत्त्वाची गोष्ट आहे. म्हणजेच दिवसभरात शरीर जितक्या कॅलरी खर्च करते, त्यापेक्षा कमी कॅलरी आहारातून घेणे. मात्र, त्याचबरोबर संतुलित आणि पौष्टिक आहार घेणेही तितकेच महत्त्वाचे आहे, असे तिने सांगितले.
टीप: हा अनुभव तिने सोशल मीडियावर शेअर केला आहे. प्रत्येक व्यक्तीचे वजन कमी होण्याचे प्रमाण वेगळे असू शकते. आहारात मोठे बदल करण्यापूर्वी आहारतज्ज्ञांचा सल्ला घ्यावा.
स्रोत: मूळ बातमी
Leave a Reply