अमेरिकेने पुन्हा एकदा इराणवर जोरदार हल्ले केले आहेत. स्ट्रेट ऑफ होर्मुझमध्ये असलेल्या केशम बेटाला अमेरिकेकडून निशाणा बनवण्यात आले. याबाबत अमेरिकेचे राष्ट्रपती डोनाल्ड ट्रम्प यांनी स्वतः माहिती दिली. इराणची एअर डिफेन्स सिस्टम नष्ट करणे हा या हल्ल्यांचा उद्देश होता, असे ट्रम्प यांनी म्हटले आहे.
इराणचे प्रत्युत्तर; ड्रोन पाडल्याचा दावा
दुसरीकडे इराणकडूनही अमेरिकेच्या या हल्ल्यांना जोरदार प्रत्युत्तर देण्यात आले. या हल्ल्यादरम्यान अमेरिकेचे एमक्यू ९ ड्रोन पाडल्याचा दावा इराणकडून करण्यात आला आहे. इराणने माहिती देताना सांगितले की, स्ट्रेट ऑफ होर्मुझच्या केशम बेटावरील सूजा परिसरात हल्ले झाले. आवाज येताच इराणने अमेरिकेचे ड्रोन पाडले. या हल्ल्यामध्ये कोणतेही मोठे नुकसान झालेले नाही, असे इराणने म्हटले आहे.
हल्ल्यांमागील पार्श्वभूमी
अमेरिकन सैन्याने या हल्ल्यांना बचावात्मक पद्धतीने केलेला डिफेंसिव्ह स्ट्राईक असे म्हटले आहे. स्ट्रेट ऑफ होर्मुझमध्ये असलेल्या केशम आणि हेंगाम बेटाला अमेरिकेकडून निशाणा बनवण्यात आले असून, इराणच्या अब्बास बंदरामध्येही हल्ला झाल्याचे वृत्त आहे. ज्या भूभागावर हल्ला करण्यात आला, तो भाग कच्च्या तेलाच्या वाहतुकीसाठी इराणच्या दृष्टीने खूपच महत्त्वाचा आहे. नुकताच अमेरिकेमध्ये मध्यावधी निवडणुकीचा निकाल समोर आला असून, या निवडणुकीत डोनाल्ड ट्रम्प यांच्या पक्षाला पराभवाचा मोठा झटका बसला आहे. या पराभवानंतर ट्रम्प यांनी पहिल्यांदाच इराणवर हल्ला केला असून, त्यांनी अधिक आक्रमक भूमिका घेतली आहे. अमेरिकेकडून अचानक करण्यात आलेल्या या हल्ल्यांमुळे पुन्हा एकदा दोन्ही देशांमधील तणाव वाढला असून, स्ट्रेट ऑफ होर्मुझमध्येही तणावपूर्ण परिस्थिती निर्माण झाली आहे.
स्रोत: मूळ बातमी
Leave a Reply