विचार करा, तुम्हाला फक्त झोपण्याचे काम करायचे आहे, बाकी काहीच करायचे नाही, आणि या कामाचे तुम्हाला दर महिन्याला पाच लाख रुपये मिळणार आहेत. हे ऐकायला थोडे विचित्र वाटत असले, तरी ही गोष्ट खरी आहे. गाद्या आणि स्लीप प्रोडक्ट बनवणाऱ्या वेकफिट नावाच्या कंपनीकडून अशी एक ऑफर देण्यात आली होती. या ऑफरमध्ये तुम्हाला न ऑफिसमध्ये जाण्याचे टेन्शन आहे, न तासंतास कॉम्प्युटरवर बसण्याचे टेन्शन. तुम्हाला फक्त झोपायचे आहे, एवढीच कंपनीची तुमच्याकडून अपेक्षा होती. मुंबईतील एका महिलेने खरोखर ही इंटर्नशिप जिंकली आहे. ही इंटर्नशिप जिंकल्यानंतर या महिलेला तब्बल 9.6 लाख रुपये कंपनीकडून देण्यात आले आहेत. एवढेच नाही, तर या महिलेला कंपनीकडून काही देश अगदी मोफत फिरण्याची ऑफर देखील देण्यात आली आहे.
काय होती ही ‘स्लीप इंटर्नशिप’?
वेकफिटने आपल्या पाचव्या स्लीप इंटर्नशिपचे आयोजन केले होते. इंटर्नशिपचा अर्थच असा असतो की, तुम्ही त्या कंपनीमध्ये काहीतरी विशिष्ट काम करता, तुम्हाला तिथे शिकायला मिळते आणि त्याबदल्यात कंपनी काही पैसे देते. परंतु इथे कोणतेही काम करण्याची गरज नव्हती. या इंटर्नशिपमध्ये ज्या लोकांची निवड झाली, त्या लोकांना फक्त आपल्या झोपेवर लक्ष केंद्रित करायचे होते. त्यांना दररोज फक्त पुरेशी झोप घ्यायची होती, तसेच मधेमधे काही मजेशीर टास्क पूर्ण करायचे होते. लोकांना चांगल्या झोपेचे महत्त्व लक्षात यावे आणि त्यांनी आपल्या झोपेकडे अधिक लक्ष द्यावे, असा या टास्कचा उद्देश होता. कंपनीकडून अशा इंटर्नशिपचे नियमितपणे आयोजन केले जाते.
निवड कशी झाली आणि बक्षीस काय?
या कामासाठी तब्बल दोन लाख लोकांनी अर्ज केला होता. त्यातील दहा जणांची निवड करण्यात आली. या लोकांना एकूण 60 दिवसांचा टास्क देण्यात आला होता. त्यांचे काम फक्त एवढेच होते की, त्यांना आपल्या झोपेचे रेकॉर्ड ठेवायचे होते. कंपनीकडून या लोकांच्या झोपेच्या सवयींवर लक्ष ठेवण्यात आले. म्हणजे हे लोक दिवसातून किती तास झोपतात, त्यांना शांत झोप लागते का, अशा गोष्टी तपासण्यात आल्या. ज्या लोकांचा स्लीप स्कोर चांगला होता, त्यांना कंपनीकडून पैसे देण्यात आले. याचाच अर्थ, एका साध्या इंटर्नशिपसाठी या महिलेला प्रत्येक महिन्याला पाच लाख रुपये मिळाले आहेत. झोपेचे महत्त्व अधोरेखित करणाऱ्या या उपक्रमाने अनेकांचे लक्ष वेधून घेतले आहे.
स्रोत: मूळ बातमी
Leave a Reply